«متحسسيهوش إنك محرومة».. ياسمين عز للفتيات: لما خطيبك يجيبلك هدية قوليله شكرا بس
وجهت الإعلامية ياسمين عز، مجموعة من النصائح للفتيات، حول كيفية تعامل كل واحدة مع خطيبها.
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "لما خطيبك يجيبلك هدية قوليله شكرا وبس، مبنروحش نكتب بيتنا باسمه، ولا بنعمل جمعية عشان نردله الهدية ولا نروح ندعيله على باب الجامع".
وأضافت: "هو جابلك حصان؟ ولا أنتي محرومة ومش شايفة خير في بيت أهلك، ما أنتي شبعانة وبيتكم مليان خير".
ياسمين عز: لو خطيبك كسب الأوسكار متجيبلوش هدية
وتابعت: "الراجل يبادر ويجيبلك هدية، أنتي متجيبلوش هدية، حتى لو كسب الأوسكار، هو معندوش زهايمر ولا معدي الـ 80 عشان ينسى دي حته هدية، هو جايلك الديب من ديله؟ لا تقللي من نفسك ولا تقللي من هديته".
لا يفوتك
وأكملت: "قولي لخطيبك شكرا يا حبيبي وتسلم إيدك، ومش كل ما يقولولك عاملة ايه تقولي أنا وخطيبي بخير".
