ياسمين عز: “200 ألف جنيه رفايع.. وفي الآخر تعمله بطاطس محروقة”
تحدثت الإعلامية ياسمين عز، عن أزمة "الرفايع"، التي يتم شرائها ضمن جهاز العروس، وتكلفتها المبالغ بها، قائلة: "عايزة أعرف مين اخترع الرفايع دي".
وقالت ياسمين عز، خلال برنامج "كلام الناس"، المذاع عبر "إم بي سي مصر": "في تقديري ممكن تكون أم العروسة.. لحد ما حمادة يلاقي نفسه دافع 200 ألف جنيه، وفي الآخر تعمله بطاطس محروقة أو رز معجن".
وأضافت: "بتستسهلي أنها حاجات صغيرة لكن بتكتشفي مع الوقت أنك دفعتي مبالغ كبيرة جدا، ليه تجيبي 24 فوطة، و6 ألحفة، طالعة قمة إيفرست، ولا رايحه سكن طلبة".
وتابعت: " مش كل حاجة تنطلع تريند تجيبيها في جهازك، زي حلة القلي اللي عليها رسومات كرتونية، أنتي خلاص بقيتي آنسة كبيرة، ومفيش فرق بينها وبين الطاسة العادية".
وأكملت: "البلاستيكات اللي فاكره هتدخلي بيها مسابقة، ليه نشتري 20 طقم تلاجة، اتنين كفاية، أنتي وجوزك، كفاية تجيبي على أد استعمالك، وقال يعني البنت مكسرة الدنيا من كتر الطبيخ".
