ياسمين عز: "أول مرة أشوف خطوبة فيها قبلات وأحضان"
وجهت الإعلامية ياسمين عز، مجموعة من النصائح للفتيات، بشأن طريقة تعامل كل منهن مع خطيبها، والعادات المتبعة أثناء قراءة الفاتحة، معلقة: "أول مرة نشوف قراية الفاتحة فيها قبلات وأحضان".
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "زمان كان الراجل عشان يلمس إيد خطيبته كان يقولها تعالي نلعب سبت حد، دلوقتي بقينا نشوف تقاليع غريبة بعيدة عن عاداتنا وتقاليدنا".
وأضافت: "قراءة الفاتحة زمان كان اسمها ربط كلام، والعريس والعروسة يبصو لبعض ويسلموا على بعض وخلاص، عمرها ما كانت بتنتهي ببوس وأحضان والحاجات اللي بنشوفها دلوقتي".
ياسمين عز: الفاتحة مجرد ربط كلام
وتابعت: “إحنا بنحاول نزق الخطوبة والجواز عشان تروحي لبيت جوزك، الفاتحة مجرد ربط كلام، والتعامل لازم يكون في حضور الأهل، متقعدوش جنب بعض ولا لوحدكم”.
وأكملت: "دي أول مرة أشوف خطوبة فيها قبلات وأحضان، افرضي الفاتحة دي انتهت وكل واحد راح لحاله، ده مجرد تعارف بين العيلتين".
