«بلاش الوسيم وخدي الحنين».. ياسمين عز للفتيات: اتجوزي اللي يدفعلك النفقة بسرعة
وجهت الإعلامية ياسمين عز، مجموعة من النصائح للفتيات، عند اختيار شريك الحياة، قائلة: "اختاري الراجل اللي أول ما تشوفيه تقولي هو ده اللي هيدفعلي النفقة في معادها".
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "أغلى ما يمكن أن تشتريه للمرأة هو خاطرها، الست ممكن تسيب الراجل الوسيم والغني، بس عمرها ما تسيب الراجل اللي اشترى خاطرها الراجل الحنين، اللي طيب خاطرها وحسسها بالأمان في عز ضعفها".
وأضافت: "الست بتختار الراجل السند، اللي كان سند ليها ومسابش الدنيا تيجي عليها عمر القلوب ما تشترى بالفلوس، القلوب بتشترى بالأمان والحنية والمعاملة الطيبة، اختاري راجل أول ما تشوفيه تقولي هو ده اللي هيدفعلي النفقة في معادها".
نصائح ياسمين عز للفتيات
ونصحت ياسمين عز الفتيات قائلة: "وأنتي بتتكلمي مع خطيبك أو حبيبك بالليل المكالمة اللي أطول من نهر النيل، ويقولك اقفلي عايز أنام دلوقتي يبقى سيبيه ينام، متقوليش هو أنت هتنام وتسيبني، هو أنتي تايهة؟ ولا في الصحراء الغربية".
وأضافت: "أنتي قاعده على سرير بيتكم وبتاكلي إندومي، ومفيش حاجة اسمها لا خليك معايا شوية، عايز ينام سيبيه ينام، بلاش تقوليله أنت كنت مع صحابك وسيبيه يرتاح الغليان الشقيان".
