ياسمين عز: مستغربة إن في ستات بتقول طالما جوزك خانك يستاهل القتل

علقت الإعلامية ياسمين عز، على قيام سيدة مصرية في أستراليا، بقتل زوجها وتقطيعه بمنشار ووضعه في أكياس.
 

وقالت ياسمين عز، خلال حديثها ببرنامج "كلام الناس": "في جريمة مروعة حدثت في أستراليا، سيدة مصرية قتلت جوزها بمنشار وحطته في أكياس، وعثرت الشرطة على الجثة بعد شهور من قتله".

ياسمين عز : الست قتلت جوزها بعد عِشرة 30 سنة وفي بينهم 8 أولاد

وأضافت: "في كلام إن الست قتلته لأنه خانها وفي كلام عشان تاخد فلوسه بسبب ثروته الضخمة، رغم أن عندهم 8 أولاد، وفي عشرة 30 سنة بينهم".

وأشارت إلى أنه تم القبض على السيدة مصرية الجنسية ونقلها إلى مستشفى الأمراض العقلية.

وتابعت حديثها: "البيوت مقفولة على نفسها، وسواء قتلته عشان خيانة أو ثروة، لكن في بعض السيدات بتقول مهو لو مكانش خانها مكنتش عملت كدا وقتلته".

لا يفوتك

ياسمين عز لـ الفتيات: الراجل بيبص على حاجات تانية غير بشرتك الزجاجية

ياسمين عز: المرأة المتزوجة شعرها بيطول لما جوزها يبوسها من رأسها

وأكملت: "لكن أنا بقول إيه الغضب والكره إنك تبرري لواحدة قتلت روح ونشرته بمنشار، ما تسيبه لكن تقتله ليه، إنتوا بقيتوا بتحللوا حاجات غريبة".