ياسمين عز: المرأة المتزوجة شعرها بيطول لما جوزها يبوسها من رأسها
وجهت الإعلامية ياسمين عز مجموعة من النصائح للفتيات، للعناية بأنفسهن قبل الزواج، قائلة: "لو شعرك مزيت روحي اغسليه مافيش حاجة اسمها احط عليه دراي شامبو".
ياسمين عز لـ الفتيات: لما شعرك يزيت اغسليه ومفيش حاجة اسمها دراي شامبو
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "لما شعرك يزيت تروحي تغسليه، مفيش حاجة اسمها دراي شامبو، الله يرحم جدتك كانت بتعمل طاقية، ومفيش حاجة اسمها أغسل القصة بس، ومفيش حاجة اسمها ألمه كحكة، الكحكة دي مش عايزين نشوفها".
وأضافت: "مفيش حاجة اسمها محدش هيشم رائحة شعرك، هيشموه يا آنسة، والدراي شامبو اخترعوه عشان كان في واحد مكسل يغسل شعره فاخترعوه، لكن لازم تغسلي شعرك يا آنسة".
وتابعت: "لو عانديني ومغسلتيهوش، شعرك هيزيت، والدهون هتنزل على وشك، وهخترق الحجاب الحاجز لبشرتك وتطلع لك حبوب، ونضطر نروح لطبيب جلدية وتقرفه في عيشته".
وأكملت: "الحبوب بتطلعلك من شعرك المزيت، كل اللي عندهم حبوب آنسات، لكن المرأة المتزوجة مبيطلعلهاش حبوب، ولما جوزها بيبوسها من رأسها شعرها بيطول بسرعة، لأنها متزوجة من مصدر إكليل الجبل نفسه".
