ياسمين عز لـ السيدات : لما تتطلقي من جوزك أوعي تفتكري إنك هتقابلي ظافر عابدين
وجهت الإعلامية ياسمين عز، مجموعة من النصائح للسيدات في حال رغبتهن في الطلاق من أزواجهن.
وقالت ياسمين عز، خلال برنامج "كلام الناس"، المذاع على قناة إم بي سي مصر: "لما تطلقي وأنتي ساحبة قرودك الصغيرين أوعي تكوني فاكره أنك هتقابلي نموذج ظافر عابدين أو كريم كراميلا على أرض الواقع".
وأضافت: "الواقع في مكرونة بالبشاميل وبيتزا للعيال الصبح، لأن الدراما والمسلسلات مش هتنفعنا، ظاهر عابدين وكريم كراميلا من خيال المؤلف".
وتابعت: "الحقيقة أن جوزك أحلى من ظافر عابدين بس إنتي مديتيهوش فرصة، مش كل الناس حلوة ومش كل الناس وحشين، لكن هتلاقي لما تقعدي مع نفسك أنك كنتي غلطانه وقللتي من جوزك في مواقف مكنش يصح فيها كدا".
ياسمين عز لـ السيدات: الحياة مش عرض أزياء بتختاري منها اللي على ذوقك
وأكملت: "الحياة مش عرض أزياء بتختاري منها اللي على ذوقك، جوزك اللي مش عاجبك دلوقتي هو كريم كراميلا في عيون ستات أخرى".
وواصلت: "حافظي على جوزك وهو لسه معاكي، قبل ما الوقت يتأخر واعملي لجوزك حاجة حلوة تطري على قلبه، وأوعي تنسي أحلى جملة بيحبها، وهي أنا هاخد العيال وأروح أقعد عند أهلي أسبوع، وسيبيه يرتاح".
