عيب تهزروا .. أول رد من ياسمين عز على منشور اللبنانيات
علقت الإعلامية ياسمين عز، على التصريحات المنسوبة لها، بشأن تحذيرها للنساء في مصر من خطر ترك أزواجهن، مع احتمالية إجلاء اللبنانيين لمنازلهم، بما في ذلك النساء الجميلات، على خلفية العدوان الإسرائيلي على لبنان.
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "أنا كنت في إجازة، لكن كل شوية ينزل صورة ليا عليها كلام مقولتوش عشان يجمعوا مشاهدات خرافية وطول عمري متعودة وبترفع مبردش".
وأضافت: "الناس عارفه أنا بقول إيه ومبقولش إيه وعشان كدا أنا بكبر عقلي ومبردش، لكن المرة دي أنا هرد، الموضوع بيمس وجع شعب غالي على قلوبنا، وعيب تهزروا على حساب أرواح ناس بتموت، في حرب ومش وقت كلام ملوش لازمة".
ياسمين عز: مفيش في الدنيا حاجة اسمها أن واحدة تاخد جوزك منك
وتابعت: "اللي يعرفني كويس عارف أني مستحيل أقول كلام زي دا، ومفيش حاجة اسمها في الدنيا أن واحدة تاخد جوزك منك طول ما انتي مريحاه، والراجل طلباته بسيطة جدا مش عاوز غير الراحة تفكير شفرته وتشوفي إيه بيضايقوا ومتعمليهوش".
وأكملت: "في واحد بتكون راحته أنك تهتمي بأمه وواحد راحته تسيبيه براحته ينزل يوم مع صحابه، وواحد تاني عاوز ضحكة في وشه بدل التكشير".
واختتمت حديثها: "نحترم أن مش كل شوية يتحط كلام على صورتي أنا مقولتوش، احترموا نفسكم وبلاش تكتبوا عني كلام متقالش".
