مزاجي كدا.. ياسمين عز عن صورتها بالحجاب: كنت لابسه أزرق ومعايا شيخ
علقت الإعلامية ياسمين عز، على الصورة المتداولة لها عبر السوشيال ميديا، والتي ظهرت فيها وهي ترتدي الحجاب مع أحد الضيوف.
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "لقيت صور نازله أني كنت لابسه أزرق ومعايا شيخ في إحدى الحلقات قبل كدا ومرتدية حجاب، وجنبها صورة ليا مع الشيخ مبروك عطية وأنا لا أرتدي حجاب".
وأضافت: "بالنسبة للحجاب أو غطاء الرأس، دي تاني وآخر مرة هقول كدا، لا أحد ولا ضيف يفرض عليا أني ألبس حجاب أو لا".
وتابعت: "لا الضيوف بيطلبوا ده ولا أنا بسمح بده، لو لبست كده في أحد المرات مع أحد الشيوخ لأني كنت عاوزه أعمل كدا".
وتابعت ياسيمين عز: "لا حد قالي أعمل كدا ولا في ضيف بيفرض عليا ولا النوعية دي موجودة في البرنامج، لكن المواقع حبت تاخد لقطة، ودي بالنسبة لي صغائر وتفاهات الأمور، أنا محدش بيقولي حاحة، اللي بفكر فيه بقوله".
