"النيش ملوش لازمة إلا في الحالة دي".. نصائح ياسمين عز للفتيات
تحدثت الإعلامية ياسمين عز، عن أزمة "الرفايع"، التي يتم شرائها ضمن جهاز العروس، وتكلفتها المبالغ بها، قائلة: "أكيد أم العروسة هي اللي اخترعت ده".
وقالت ياسمين عز، خلال حلقة اليوم من برنامج "كلام الناس"، المذاع على قناة "إم بي سي مصر": "ليه تملي النيش كاسات كتير جدا، وانتي ممكن تجيبي طقمين حلوين.. النيش أصلا ملوش لازمة، إلا لو لعبتي كورة مع جوزك وخليتيه يجيب فيه جول".
وتابعت: "ليه نشتري 20 طقم تلاجة، اتنين كفاية.. كفاية تجيبي على أد استعمالك انتي وجوزك، وقال يعني البنت مكسرة الدنيا من كتر الطبخ".
وأكملت: "بنشوفها حاجات صغيرة لكن تكتشفي مع الوقت أنك دفعتي مبالغ كبيرة جدا.. ليه تجيبي 24 فوطة و6 لحاف، طالعة قمة إيفرست، ولا رايحه سكن طلبة".
ياسمين عز للفتيات: مش كل حاجة تطلع تريند تجيبيها في جهازك
وواصلت: "مش كل حاجة تطلع ترند تجيبيها في جهازك، زي حلة القلي اللي عليها رسومات كرتونية، انتي خلاص بقيتي آنسة كبيرة، مفيش فرق بينها والطاسة العادية".
