ياسمين عز للرجال: "لو خطيبتك اسمها شيماء.. خليك حذر جدا"
حذرت الإعلامية ياسمين عز، الرجال من الارتباط بفتاة تسمى "شيماء"، قائلة "لو خطيبتك اسمها شيماء خليك حذر جدا في التعامل معاها، واحذر من الخطر، لأن شيماء بتكون شخصية متناقضة ومترددة".
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "قعدت أفكر هما ليه كده، لقيت أن اسمها فيه شيء غريب، انطقوا اسمها كدة شاي و ماء، سخن وبارد، فهتلاقيها موافقة وفجأة غيرت رأيها، فجأة تكون موافقة تقعد في بيت أهلك والصبح مش موافقة وتقولك طلقني رغم أنكم لسه متجوزتوش".
وأضافت: "شيماء الشيء ونقيضه، هي فتاة طيبة وبتعيش وبترضى بقليلها، وبتعيش معاك وتسعدك بعيدا عن اسمها، لكن برده احذر وأنت بتتعامل معاها".
نصائح ياسمين عز عن قراءة الفاتحة
ووجهت ياسمين عز، مجموعة من النصائح للفتيات، بشأن طريقة تعامل كل واحدة مع خطيبها، وأثناء قراءة الفاتحة، معلقة: "أول مرة نشوف قراية الفاتحة فيها قبلات وأحضان".
وقالت ياسمين عز، خلال حديثها: "زمان كان الراجل عشان يلمس إيد خطيبته كان يقولها تعالي نلعب سبت حد، دلوقتي بقينا نشوف تقاليع غريبة بعيدة عن عاداتنا وتقاليدنا".
