سمير فرج: إحنا مش بتوع حرب لكن اللي هيقرب من مصر هيشوف حاجة تانية
وجه المفكر الاستراتيجي اللواء سمير فرج، رسالة طمأنة للمواطنين بعد احتفالية تخرج دفعة جديدة من الكليات العسكرية، تزامنا مع ذكرى انتصارات أكتوبر.
وقال سمير فرج، خلال حديثه ببرنامج "على مسئوليتي"، المذاع على قناة صدى البلد: "مصر آمنة وبلد عظيمة، في شوية مشاكل لكن بسيطة، ومش عشان اللي بيحصل بره يبقى نقلق".
وأضاف: "مصر عملت احتفالية تخرج لدفعة جديدة من الكليات العسكرية، كل واحد مصري نام بالليل يومها وهو مطمئن، لكن كانت ليلة سوداء على ناس تانية".
سمير فرج لـ المواطنين: اطمنوا مصر عندها جيش قوي
وتابع: "مصر عندها قوات مسلحة قوية هتحميكم، وطول ما أنت قوي بتحقق السلام، اطمنوا أن جيشكم قوي، والاحتفال اللي حصل في الكلية الحربية هو أعظم احتفال حدث منذ فترة كبيرة جدا".
وأكمل: "الجيش المصري قدم نفسه للشعب في الاحتفالية وفقا لتعليمات الرئيس عبد الفتاح السيسي"، مضيفا: "إحنا مش بتوع حرب لكن لو حد قرب من مصر هيشوف حاجة تانية، إحنا عندنا أقوى جيش اطمنوا".
