الرئيس السيسي للمصريين: إحنا بخير وبنتحرك بفضل الله بخطوات ثابتة
قال الرئيس عبد الفتاح السيسي، القائد الأعلى للقوات المسلحة خلال حفل الإفطار السنوي للقوات المسلحة، إن الـ15 سنة الماضية مرت على مصر بظروف صعبة مشيرًا بقوله: "إحنا بخير، وبنتحرك بفضل الله بخطوات ثابتة".
وفي هذا التقرير يستعرض الموقع التفاصيل الكاملة للإجابة على تساؤل ماذا قال الرئيس السيسي عن الاقتصاد خلال حفل الإفطار السنوي للقوات المسلحة اليوم ؟.
ماذا قال الرئيس السيسي عن الاقتصاد خلال حفل الإفطار السنوي للقوات المسلحة اليوم ؟
وعقب الرئيس عبد الفتاح السيسي قائلًا: "الحمد لله رب العالمين إحنا بخير وسلام، ونتحرك بفضل الله سبحانه وتعالى بخطوات ثابتة ومستقرة ومدروسة في كل المجالات.. وتحدثنا في هذا الموضوع قبل كده، والدول بتاخد وقت كبير إنه يكون في تخطيط، وربنا يوفق في التخطيط دا".
واستكمل الرئيس السيسي قائلًا: القائمين على هذا التخطيط بينفذوه، ولكن نتائجه ما بتبانش، زي ما كتير مننا بيتصور بسرعة، ولكن بتاخد وقت، خاصة لو كانت المشاكل والظروف الصعبة اللي مرت على مصر، كانت في الـ 15 سنة اللي فاتوا، كانت ظروف صعبة أوي، ولما بذكرها ما بقصدش بيها إننا ما ننساش، ونبقى دائما ماسكين ومتشبثين بالواقع اللي ربنا سبحانه وتعالى أفاء علينا بيه، في ظل إن المنطقة والعالم يعاني من حالة صعبة”.
وتابع الرئيس السيسي: "يمكن حد يقولي طب ظروف اقتصادية صعبة، أقول له تخيل إن احنا تقريبا بنفقد كل شهر من 800 لـ900 مليون دولار، مش كل المبلغ دا عشان أكون صادق، لكن 60 أو 70% منه نفقده نتيجة الظروف اللي بتمر بالمنطقة، والتعرض لمجرى الملاحة".
وأردف الرئيس السيسي، بقوله: "ورغم دا، بكلم محافظ البنك المركزي وأقوله أخبارك إيه، لأن المبلغ دا كان دخل مباشر للدولة، ويقول لي الحمد لله إحنا بخير والأمور ماشية كويس، ويمكن من خلال اليومين تلاتة اللي فاتوا صندوق النقد وافق على الخطة اللي ماشيين بيها في الاجتماع اللي تم، دا مؤشر جيد، وبرضو كلام المحافظ جيد ويطمنا رغم الظروف اللي إحنا فيها ربنا بيساعدنا".
ويحرص موقع الأيام المصرية على متابعة كافة الأخبار، ضمن التغطية الإخبارية المستمرة والحصرية التي يقدمها الموقع لمتابعيه في مختلف المجالات والتخصصات، ويمكنكم متابعة المزيد من الموضوعات المتعلقة بهذا الشأن عن طريق أخبار مصر اليوم.
