أشرف كابونجا ينتقد محمد رمضان بعد لقاء العوضي وسعد الصغير بمطعم نخنوخ
وجه الكابتن أشرف كابونا، أقوى رجل في العالم، والحاصل على 6 شهادات من موسوعة جينيس للأرقام القياسية، رسالة شديدة اللهجة لـ الفنان محمد رمضان، مقدم برنامج "مدفع رمضان"، بعد تجاهل الدعدوة المقدمة له، لحضور حفل وقائع جر قطار سكة حديد بوزن 279 طن بأسنانه وكتفه.
وأوضح الكابتن أشرف كابونجا، خلال مقطع فيديو عبر صفحته الشخصية "الفيسبوك"، والتي جاء فيها: "عاملين إيه؟ يارب تكونوا بخير. كل عام وأنتم بخير. ورمضان كريم".
وأضاف كابونجا: "زي ما إنتم عارفين معاكم كابتن أشرف كابونجا أقوى رجل في العالم، حاصل على ست شهادات.. مبسوط إني سحبت طبعا بأسناني أول إمبارح وكتفي، وكمان كانت جرة عربية 100 م، وحصلت في في نفس اليوم على ثلاث شهادات كأخراج وفي العالم.
وأشار كابونجا إلى أن هناك وسائل إعلام كثيرة من مصر وخارجها، كانت موجودة وقت الحدث، وأيضًا كانت هناك مشاركة من فرنسا وتركيا وايطاليا، ومتخيل تقريبًا إن ما فيش حد إلا وتكلم عني، مضيفًا أن الأيام القادمة سوف تشهد المزيد إن شاء الله.
وأوضح الكابتن كابونجا، إن هناك ناس تحدثت معه عندما تصور في مشهد فيديو مع محمد رمضان ووجه له الدعوة خلال تصوير برنامج "مدفع رمضان" في محطة مصر لقطارات السكة الحديد، ولم يحضر رمضان تنفيذًا للدعوة التي تلقاها.
وقال كابونجا: "أنا فعلًا اتحدوني إن هو يجي أو ميجيش وكده، فأنا بقولهم فعلًا إنتو عندكم حق، هو مجاش الفيديو ده، أنا حورهولكم، دلوقتي أنا عزمته عشان يجي، أنا عمري ما حصلش في حياتي، إن أنا أروح لممثل أو أروح لحد أقوله حتصور معاه مثلًا أقول أو أعزمه لأ.
وأضاف كابونجا: "أنا بطل العالم.. الحمد لله بعمل حاجات محدش بيعملها في العالم، لكن أنا كنت في اليوم ده للأسف في اليوم ده كان في مفروض يسحب فيه القطر، والحمد لله بفاضل من ربنا يتأجل، يعني عشان كده موسوعة الجنسيات كانت بعدها على طول".
وأضوح كابونجا: "كان في اليوم ده محمد رمضان وهو بيصور في اليوم ده، في محطة مصر.. فأنا كنت في اليوم ده، فصديق لي قال لي ابعث له دعوة، إديله دعوة وفعلًا عملت له دعوة حضور، ده الفيديو اتفرجوا عليه".
وشوف الدنيا وهنتكلم بعد الفيديو. تفضلوا اسمعوا الفيديو والناس بتقول: "دا أشرف كابونجا بطل العالم.. هتروحله يا رمضان؟
وأضاف كابونجا: “للأسف هو كان مفروض قالي ماشي ودى الدعوة للبودي جارد للجرد اللي جمبه أو المساعدين اي.. لكن مهتمش بيها.. اييه حابب أقول أنا ما بزعلش على فكرة ما بزعلش من أي حاجة من أي حد على أساس، بسامح الناس كلها”.
وتابع: “لكن عشان أرد على أصدقائي والناس المتابعين اللي قالولي إنه هو مش حيجي ومعبرتكش، وللأسف يا جماعة إي هو ما جاش فعلًا كشفني، يللا مش مشكلة، الحمد لله، أنا كنت حابب يجي طبعًا يعني الدنيا حلوه وهو موجود وكل بيشكرني فيه إن هو كويس”.
وتابع: “أنا كان بطل عالم وهو كممثل في مصر هنا، في الوطن عربي، لكن أنا بتكلم إنت بتقدم رسالة وأنا بقدم رسالة، أنا أقوى رجل في العالم ست مرات، كنت حابب إن إنت تيجي رمضان في الحادث كان جميل جدًا”.
وأضاف كابونجا: “أنا مش مستني فلوس ولا مستني حاجة، أنا كان ممكن أخش وإنت بتعمل لقاءات في رمضان، في محطة القطار، في رمسيس، كان ممكن أخش عادي جدًا زي ما دخلت لك وادتك الدعوة، كان ممكن أخش وأتسئل بقى وأكسب وأمشي، كان ممكن أعمل كده جدًا لكن عزة النفس بتاعتي، ما تسمحليش إني أعمل كده”.
وأضاف كابونجا: “أنا استنيتك انت نازل من العربية بعد ما أخدت الإستراحة بتاعتك، ودخلت قبل ما تخش جوا عشان خاطر ما أخش في إطار مسابقة وإديتك الدعوة ومشيت، أنا عمةً كده كده قابلت كتير، أنا عملت مسلسل قبل كده وعملت فيلم، لكن خلينا في أحمد العوضي شايفين الصورة دي؟”.
“والله يا جماعه بكل أدب وأحترم هو جه سلم عليا.. إزيك يا كابونجا عامل إيه؟ ربنا يباركلك يا رب حبيبي وفنان، كنت أنا معزوم مع المخرج عنده، كان بيعمل مسلسل رمضان اللي فات، ورحت تسلمت عليه، قلت له حأخد صورة بعد ما هو لم السلام كمان مش أنا والله”.
"ده إنسان جميل، متواضع جدًا أحمد العوضي طبعًا قبلت الفنان سعد الصغير كنا في مطعم المعلم صبري نخنوخ.. اتصلوا بيا بخصوص إن أنا أروح في نفس اليوم مساحة بالقطر، ورحت هناك واحتفلنا هناك، وكان يوم ليلة جميلة جدًا وتسحرنا".
وقابلني الفنان سعد الصغير وخدني بالحضن.. وقالي حبيب قلبي شرفتنا وشرفت مصر، وكلمتين حلوين جدًا على الماشي، وشوفوا الفيديو اللي حصل أو الكلام اللي حصل. ما بينا تعال نسمع كدة.
قال الفنان سعد الصغير خلال مقطع الفيديو، "أنا بمرنه 3 أيام في الأسبوع" ليرد عليه الكابتن أشرف كابونجا: "حصل يا باشا وأنا قاعد مستني لحد ما ربنا يكرمه"، ليضيف الصغير: "خلي بالك سهل جدًا جدًا، بنفخ بالمنفاخ وأفتح".
وأشار كابونجا إلى أن التواضع جميل، ومش التجاهل، لما واحد بيروح يزور مريض مثلًا إي المريض مش مستني منه حاجة، أو محتاج فلوس بالعكس، هو محتاج إن إنت تجبر بخاطره.
ووجه الكابتن أشرف كابونجا رسالة بقوله: " رسالة لمحمد رمضان تكبر بخاطر الناس مش بالفلوس أو كده، كده البرنامج ده مكسب.. مش عاوز أقول عشان ميبقاش في عداوة، والناس تاخدها السوشيال ميديا عداوة.
أنا بقولك أنا راجل بسامح الناس كلها والمفروض تجبر بخاطر الناس كلها، كلمة كويسة حضورك، وأصدقائي وكتير من الإعلاميين قالوا لي محمد رمضان مش هيحضر، وفعلًا إنت مجتش، وبقول لأصدقائي سامحوني خذلتكم، وصدقوني وتوبة إني أحاول أعزم حد تاني في الحدث بتاعي.
وبشكر كل جمهوري اللي شافني وساعدني، ووقف معايا والناس اللي دعموني، حسيت إني عملت حاجة كويسة لبلدي لمصر، وأقولها وأعيدها أنا مصري بحب تراب مصرهفضل مصري وأعشق ترابها، مصر أم الدنيا بتجيب رجالة.
