ميدو: التوقيع مع كهربا أكبر غلطة في تاريخ الأهلي.. ده سرطان

شن أحمد حسام ميدو نجم الكرة المصرية السابق هجومًا حادًا على لاعبي الأهلي وخاصة محمود كهربا، بعد رفض تحية الجمهور عقب الفوز على شباب بلوزداد بنتيجة 6/1 في بطولة دوري أبطال إفريقيا، ويرصد موقع الأيام المصرية كافة التفاصيل.

ميدو: التوقيع مع كهربا أكبر غلطة في تاريخ الأهلي.. ده سرطان

من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش  أي سب لأي شخص ولكن غضب عن طريق إيصال رسائل إلى الادارة والجهاز واللاعيبه وده اللي عملوه فعلا جمهور الاهلي.

وأضاف: رد فعل اللاعيبة كان عظيم بالفوز الكبير وطبيعي إن الجمهور لما يلاقوا لاعيبتهم موتوا نفسهم في الملعب انهم يحيوهم بعد الماتش علشان يقفلوا الصفحة ويوصلوا للاعيبة رسالة ان بفوزك النهارده الكبير الصفحة اتقفلت ومش هنقبل إلا بالأداء والنتائج.

وتابع: هي دي عقلية مشجع الأندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي أساس نجاح أي نادي كبير.

وواصل: كان لازم اللاعيبة تروح تحيي الجمهور ويفهموا ان جمهورهم معاهم مش ضدهم انما ايه اللي حصل مين المستفيد الأكبر ان يكون في خلاف ما بين الجمهور والمجموعه علشان مايبقاش شايل الليلة لوحده؟ 

واهتتم قائلًا: مين ورط الشناوي واللاعيبة في مشكلته مع الجمهور؟ الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من أصدقائي الأهلاوية زعلوا مني قرار التوقيع معاه اكبر غلطة في تاريخ الأهلي!!