بعد أزمته مع ويجز.. رامي صبري: ده أخويا الصغير وأنا مسامحه

رد الفنان رامي صبري على منشور الشاعر تامر حسين، والذي علق فيها على أزمة ويجز ورامي صبري خلال الساعات القليلة الماضية، بعدما خرج ويجز في فيديو يرد على تصريحات صبري بخصوص تقليله من شأن مطربي الراب.

ويستعرض موقع الأيام المصرية تفاصيل الأزمة وكافة التعليقات من قبل رامي صبري وتامر حسين وويجز، في السطور القادمة.

رامي صبري يرد على تامر حسين بعد أزمة ويجز

كتب رامي صبري على حسابه الرسمي على موقع إنستجرام، ردًا على تدوينة الشاعر تامر حسين، والتي عبر فيها عن إعجابه برامي وبنجاحه في الوسط الفني.

وقال: حبيبي تامر حسين الشاعر الكبير العظيم شكرا على كلامك الجميل اللي زيك، ويجز أخويا الصغير وأنا مسامحه وحصل خير".

الشاعر تامر حسين يعلق على أزمة ويجز ورامي صبري

دافع الشاعر تامر حسين عن رامي صبري في تدوينة على حسابه بالفيس بوك، بعد أزمته مع ويجز، مشيدًا بنجاح رامي صبري وخطاته الثابتة في مجاله.

وقال: "شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا ولسة شايف ترتيب أنغامي أنت رقم 2 في الاستماع بعد الهضبة ألبوم مكانك وفي الصدارة".

وأضاف: "تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط، إنما الأرقام اللي قالها مش أرقامك ولا الطريقة مُناسبة وأنت الكبير يا روما.. ويجز لو يعرف أنت أول واحد باعتلي أغنية البخت وبتقولي الراجل ده عنده حاجه مختلفة مكنش هيزعل كده دي شهادة حق والله".

فيديو أزمة ويجز ورامي صبري

هاجم ويجز النجم رامي صبري بعد ظهور الأخير في لقاء تلفزيوني مع أسما إبراهيم في حبر سري، وتحدث فيه عن مطربي الراب بشكل أغضب ويجز، وجعله يخرج عن صمته وينشر فيديو يهاجم فيه رامي بسبب تصريحاته.

وظهر ويجز في الفيديو يستنكر تصريحات المطرب رامي صبري، إذ يهاجم رامي مطربي الراب من وقت لآخر، رغم أنه صرح في أكثر من مرة أنه لا يفهم أغاني الراب، متسائلًا كيف يحكم على نوع فن لا يفهمه ولم يجربه؟

لا يفوتك

ويجز لـ رامي صبري بعد تصريحاته عن مطربي الراب: "أنت مش بتقدر"

زوجة رامي صبري لـ ويجز أنت مش موجود على الخريطة| فيديو

وقال في الفيديو: هتكلم عن فنان فاكر إنه عنده صلاحية يطلع يتكلم عن أي وقت في أي وقت، والناس تسمعه وتسكت، الفنان دا اسمه رامي، وكل 4 أو 5 شهور يزهق ويتكلم عن مطربين الراب، هتتكلم امته عن مطربي البوب ​​اللي أنت منهم؟ هتتكلم امته في فنك ومجالك، أنا شايف إن أنت لا بتفهم في الراب ولا بتفهم كلامه، وأنت اعترفت قبل كده أنك مش بتفهمه، فمش هتعرف تعمله.. فأنا لو لاقيت واحد بيعمل حاجة أنا مش بعرف أعملها، المفروض أحترمه علشان هو أكيد عمل حاجة أنا معرفتش أعملها ولا اشتغلت على نفسي علشان أعملها، فأنت مش بتقدر، فاكر إن الفنانين بيحاولوا يوصلوا لمستواك، أنت مش رقم اتنين يا رامي.. أنت ممكن تكون رقم 19 مثلًا، أنت بعيد جدا يا رامي".