تامر حسني للشباب: ربنا رب العدل ومعاه الدفة الأعظم
وجه الفنان تامر حسني رسالة للشباب عبر حسابه الشخصي بموقع التواصل الاجتماعي، ليدعم الشباب المجتهد المحبط، كما اعتاد دائما على توعية الشباب والوقوف بجانبهم وإعطائهم جرعة من الطاقة الإيجابية، ويرصد لكم موقع الأيام المصرية التفاصيل التالية
ونشر تامر حسني عبر الحساب الشخصي بموقع التواصل الاجتماعي "فيس بوك" فيديو له خلال حفله الأخير بمدينة اسكندرية وهو يقدم مجموعة من الشباب، وقدم رسالة لدعم الشباب المحبط وقال: "رسالة صغيرة للمحبطين في أي مجال، من خلال هذا الفيديو الجميل، والرسالة دي لكل الشباب اللي حسوا أنهم حققوا ولو جزء بسيط من أحلامهم".
رسالة تامر حسني للشباب المحبط
استكمل تامر حسني رسالته للشباب معلقا: "هقول كلمتين وواثق إنهم رايحين لناس كتير مستنية تسمعهم، أولا أنا بجد فخور إني قدمت الأصوات العظيمة دي، لأن فعلا مواهب مش عادية ومن أجمل الأصوات المصرية".
تابع تامر حسني خلال رسالته للشباب عبر الفيديو الذي نشره عبر حسابه الشخصي: "عارف إن الزمن بقى بيهتم بأنواع تانيه أكتر، وعارف إن اللي عندهم موهبة محترمة وحقيقة زيكم كده، بيبقوا زعلانين وبيحسوا إنه مش زمانهم، وعشان كده بقى موضوعكم شاغلني وواخد حيز كبير من حياتي".
وأوضح تامر حسني: "أما ثانيا، وبشكل عام فإن إحباط الشاطرين الفاهمين اللي يستحقوا الدعم في أي مجال هو إحساس صعب ويقهر القلب، وخصوصا لما يشوفوا ميزان الحياة بيتغير وإن الناس ممكن تسقف وتحتفل وتمجد في إنسان تافه أو مزقوق بواسة وفاشل، لكن مجبرين يسقفوله، واللي يستحقوا التمجيد في أي مجال، للأسف مش واخدين حقهم وبيدفنوا بالحياة وهما موجودين".
وأضاف الفنان تامر حسني خلال رسالته للشباب: "أنه إحساسه تجاه الموهبين عبارة عن إحساس أخوي، لأنه يشعر دائما أنه عليه أن يفرحهم، ولأن في بعض الحفلات يوجد هناك من لا يرحب بالأصوات الجديدة ويريدون الاستمتاع فقط بالنجم الموجود، لذلك هو يدعم الموهوبين دائما ويقف بجانبهم".
واختتم تامر حسني رسالته في نداء للموهبين وهو يقول: "يا موهبين يا مجتهدين يا شطار في أي مجال وفي أي شغلانة افتكروا الرسالة دي كويس، لو الزمن ده ليه ناس ماسكة الدفة وبتحولها في اتجاه التفاهة، فتأكدوا أن ربنا رب العدل ومعاه الدفة الأعظم اللي مهما عدى من وقت هيرجع كل شيء لصوابه، يعني لا يصح إلا الصحيح، اطمنوا بس أوعوا تبطلوا سعي".
