عمر عبد الوهاب: غنائي أمام الرئيس مفاجأة من عمرو مصطفى.. وبتمنى أعمل دويتو مع تامر حسني | خاص
شارك المطرب الموهوب عمر عبد الوهاب، في أوبريت عايشين عبور تاني، الذي تم تقديمه في الندوة التثقيفية الـ 40 بمناسبة انتصارات أكتوبر، بحضور الرئيس عبدالفتاح السيسي.
وحرص الأيام المصرية على التواصل مع الموهوب عمر عبد الوهاب، بعد أن لفت النظر من خلال مشاركته في حدث من أهم الأحداث مؤخرًا بمصر، ليكشف عن تفاصيل مشاركته بـ أوبريت عايشين عبور تاني، وعن شعوره أثناء الوقوف أمام الرئيس عبد الفتاح السيسي.
عمر عبد الوهاب : شعوري بالوقوف أمام رئيس الجمهورية اتمناه لكل اللي نفسه فيه
وكشف لنا المطرب الشاب عمر عبد الوهاب عن شعوره بالوقوف لأول مرة أمام رئيس الجمهورية في هذا الحدث العظيم من خلال الندوة التثقيفية الـ 40 لانتصارات أكتوبر، قائلًا: “شعوري لا يوصف بالوقوف أمام رئيس الجمهورية الرئيس عبد الفتاح السيسي، وشعور أتمناه لأي حد نفسه فيه أنه يحققه”.
عمر عبد الوهاب : أشكر الفنان عمرو مصطفى لأنه هو اللي رشحني
وقدم عمر عبد الوهاب الشكر للملحن عمرو مصطفى، بسبب اختياره للمشاركة في أوبريت عايشين عبور التاني، قائلًا: “اللي رشحني للمشاركة في الأوبريت هو الملحن والفنان عمرو مصطفى أخويا وحبيبي، شافني وبعتلي وقالي أنا عايزك ولما روحت قابلته قالي أنه مرشحني لحفلة الرياسة، وأحب أشكره على اختياره ليا لأنها حاجة كبيره جدًا".
عمر عبد الوهاب : تامر حسني قدوتي
وكشف عمر عبد الوهاب عن علاقته بالمطرب تامر حسني، وخصوصًا بعد ظهوره معاه بإحدى حفلاته، قائلًا: “تامر حسني بالنسبالي قدوة كبيرة لأنه فنان شامل، هو مش بيقدم حاجة واحدة ودايما بيطور من نفسه فهو قدوتي ومن أول المطربين اللي اتمنى أعمل معاه دويتو”.
كلمات أوبريت عايشين عبور تاني
- لف الدنيا برده هترجع مش هتلاقي أجمل من مصر
- حارة وشارع كنيسة وجامع رافعين فوقه علامة النصر
- وتعالوا تعالوا تعالوا فاتحين أحضانا تاخدكم في قلوبنا قبل بيوتنا
- وبلدنا هي بلدكوا … لفوا الدنيا
- وأنت معدي في باب الخلق
- تلقى مجند وسط الخلق
- شعبنا جيش وجيشنا الشعب
- عمره ما حارب غير للحق
- يحمي حدودنا
- مصر هي الخط الأحمر يحميها ضابط شاب وأسمر
- وقت عبورنا سمع العالم صيحة مصر الله أكبر
- مصر تملي جوه القلب من أجدادنا فراعنة وشعب
- كل أساس حضارتنا سلام
- عمر بلدنا ما بدأت حرب
- وأدي تاريخنا بيشهدكوا
- إحنا تاريخنا ومجدنا واحد وبمقدرة الرب الواحد
- وبوحدتنا تدور قوتنا أصل مصيرنا هيفضل واحد تاريخ علمنا وبيعلمكوا
- عشنا زمان وصنعنا عبور
- إيه دلوقتي فاضل تاني
- إحنا في مصر طريقنا النور
- ندي الحلم يجيلنا التاني
- ولا في عدل بدون القوة
- وجيشنا المصري ده رمز القوة يحمي حدود كل الأوطان
- والأوطان هي أوطانكوا
- كل الشعب قال للعالم ابني يا ريس وإحنا معاك
- وطني الحر ده هو السالم.. يحميك رب الكون يرعاك
- قولوا أمين الله يسلمكم
- لو وحدنا صفوفنا ما يقدر ظالم أبدا يجي علينا
- عيد المجد العربي الأكبر والمستقبل بين إيديه صوت حضارتنا ويكلمكوا
