الناس بتتبهدل.. عمرو أديب: كرتونة البيض اللي بتستوردها من تركيا أرخص من اللي عندنا
علق الإعلامي عمرو أديب، على استيراد مصر لأولى شحنات بيض المائدة التركي بسعر 150 جنيها للكرتونة، معلقا: "دي أرخص من اللي عندنا".
وقال عمرو أديب، خلال حديثه ببرنامج "الحكاية"، المذاع على قناة إم بي سي مصر: "طول عمرنا مع الإنتاج المحلي وتشجيعه، وتقليل الاستيراد، لكن لما الأسعار تزيد والتجار يقرروا يزيدوا الأسعار بشكل واضح موقفي بيختلف، خصوصا فيما يتعلق باستيراد البيض والدواجن".
وأضاف: "هل تتخيلوا أن مصر الآن، تستورد البيض من تركيا، مصر بلد إنتاجها من البيض معروف وبالمليارات، لكن وصلت لمرحلة أنها تبعت تجيب بيض من تركيا بشحنه والكرتونة بـ 150 جنيها، وأنت لسه هنا بتبيع بـ 170".
عمرو أديب لـ تجار البيض: الناس بتتبهدل وبتزودوا عليهم الأسعار
وتابع: "الناس بتتبهدل وبتزودوا عليهم الأسعار، وفجأة يطلع حد يقول يا عم حرام عليك، والصناعة دي فاتحه 2 مليون بيت، وغيره، طب والـ 100 مليون مين اللي مسؤول عنهم".
وأكمل: "يا تعملوا أسعار واضحة يا أنا هكون مع قرار الدولة ووزير التموين باستيراد البيض من تركيا، لحد ما تنزلوا الأسعار، لأنكم وصلتونا لمرحلة صعبة".