عمرو أديب: أنا زملكاوي وبقول لكابتن حسين لبيب لو أنتم غلطانين لازم تتعاقبوا

انسحاب الزمالك.. علق الإعلامي عمرو أديب، خلال برنامج الحكاية المذاع عبر قناة “ mbc مصر” على بيان أحمد سالم المتحدث الرسمي لـ نادي الزمالك، والذي قال خلاله إن هناك اجتماعا عاجلا الآن بين حسين لبيب رئيس النادي ومجلس الإدارة المتواجد في دولة الإمارات العربية المتحدة؛ بشأن مباراة نهائي السوبر المصري أمام الأهلي.

عمرو أديب: مفيش حد عنده الجرأة يحكي اللي حصل من لاعيبة الزمالك في الإمارات

وقال عمرو أديب منتقدا صمت مسؤولي  نادي الزمالك عن واقعة اعتداء لاعبي الزمالك على مسؤولي الامن بالأستاد: " معندكش الجرأة تحكي للناس إيه اللي حصل في الإمارات.. أين وزير الشباب والرياضة من اللي حصل؟

وأضاف عمرو أديب، قائلاً: “يا كابتن حسين انسحاب ايه اللي بتهددوا بيه؟.. لو لعيبة الزمالك غلطانين يبقى تطلعوا بيان اعتذار مش تهديد بالانسحاب”.

وتابع أديب: في الإمارات مفيش هزار وملوش دعوة دا أهلي ولا زمالك، يجب دفع التمن لو ثبت تعدي لاعبي الزمالك على المنظمين، مضيفًا: “أنا زملكاوي وبقول لكابتن حسين لبيب لو أنتم غلطانين لازم تتعاقبوا بالقانون.. ومش حابين الصورة دي في بلد شقيق زي الإمارات”.

لا يفوتك

عمرو أديب: الأهلي فاز على سيراميكا بالهيبة والحظ الحلو

مليون جنيه غرامة.. عقوبات تنتظر الزمالك حال الانسحاب من السوبر المصري| خاص

عمرو أديب:  لو عاوزين تنسحبوا انسحبوا بس دا مش حل 

وقال عمرو أديب: إن الاعتداء على المسؤولين مش جزء من اللعبة، ولو عاوزين تنسحبوا انسحبوا، بس دا مش حل ولا أنت كدا بتاخد قرار تربوي.

واستكمل عمرو أديب حديثه: “يجب معاقبة لاعبي الزمالك أو تسوية الأمور بطريقة أو بأخرى إذا أخطأوا، ولا يجب أن يتم حل الأمور بطريقة لي الذراع يا كابتن حسين”.