ياسمين عز: أوعي تجيبي هدية لخطيبك الأول إلا في الحالة دي
وجهت الإعلامية ياسمين عز، مجموعة من النصائح للفتيات، حول كيفية تعامل كل واحدة مع خطيبها، معلقة: “مش كل ما يقولولك عامله ايه تقولي أنا وخطيبي بخير”.
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "لما خطيبك يجيبلك حاجة قولي له شكرا يا حبيبي وتسلم إيدك، ومش كل ما يقولولك عامله ايه تقولي أنا وخطيبي بخير، اتكلمي عن نفسك بس".
وأضافت: "فرحتي بالمحبس والدبلة خلاص مش حكاية، بس أنتي بتحبي تستكتري على نفسك كل حاجة في الدنيا، أنا مقدرة أنك فرحانه بعريسك لكن مش بالهدايا، ومينفعش تجيبي هدية ليه الأول".
وتابعت: "ممكن تجيبي لخطيبك هدية الأول لو صادف أن عيد ميلاده جه بعد الخطوبة بيوم، غير كدا متجيبيش هدية في الأول، وهاتي هدية رمزية لكن متجيبيش هدية فوق مقدرتك المادية".
وأكملت: "لما خطيبك يجيبلك هدية قوليله شكرا وبس، مبنروحش نكتب بيتنا باسمه، ولا بنعمل جمعية عشان نردله الهدية ولا نروح ندعيله على باب الجامع".
وواصلت: "الراجل يبادر ويجيبلك هدية، أنتي متجيبلوش هدية، حتى لو كسب الأوسكار، هو معندوش زهايمر ولا معدي الـ 80 عشان ينسى دي حته هدية، هو جايلك الديب من ديله؟ لا تقللي من نفسك ولا تقللي من هديته".
