شيلت جثث صحابي.. طالب بجامعة الجلالة يكشف تفاصيل صادمة عن الحادث

كشف أحد طلاب جامعة الجلالة، تفاصيل صادمة عن أسباب وقوع حادث جامعة الجلالة، قائلا: "أنا شيلت جثث صحابي وأنا لسه طالب".

وقال الطالب، خلال مداخلة هاتفية لبرنامج "حضرة المواطن"، المذاع على قناة الحدث اليوم: "إحنا عايزين نعرف مين المسؤول، مؤسسة تقولنا أنا مسؤول عن الحدث ده، لأن لما باص كبير ينزل النزلة دي، ده إهمال وتقصير".

شاهد عيان على حادث جامعة الجلالة : الأتوبيس كان محمل 51 طالب

وأضاف: "الأتوبيس كان محمل 51 طالب يعني فوق قدرة تحمله، ونزلنا من نزلة فوق سطح البحر بـ 500 متر، أكيد فتيل الفرامل هيقطع وده كله غلط".

وتابع: "السنة دي بقينا بنطلع مع شركة باصات واحدة، وبقالنا 5 سنين في جامعة الجلالة، لكن عمر ما حصل حادثة، ليه اتعاملتوا معانا على أننا جنيه ماشي على الأرض؟ ليه متعاملتوش معانا على أننا أرواح".

وأكمل: "عايزين في التحقيقات يوضحوا لينا اللي حصل، ليه بتحمل 51 بني آدم وتجازف بحياتهم، المسعف إمبارح بيقولي إيد مين دي، لكن مكنتش عارف أقوله إيه".

لا يفوتك

سيد علي: أحلام طلاب جامعة الجلالة قضى عليها سائق متهور يتعاطى المخدرات

تعاطي المخدرات والسرعة الزائدة وراء حادث أتوبيس طلاب الجلالة

طالب بجامعة الجلالة: هنتقي الله في شغلنا بعد التخرج لما شوفنا زمايلنا بيموتوا قدام عنينا

وواصل: "إحنا شيلنا جثث صحابنا، وإحنا لسه طلاب، إحنا هنتقي الله في شغلنا عشان شوفنا زمايلنا بيموتوا قدام عيننا، وهنكون أكفأ دفعة بسبب اللي شوفناه".