للمرافعة.. تأجيل محاكمة المتهمين بفبركة سحر مؤمن زكريا لـ 15 أكتوبر (فيديو)
قررت محكمة جنح الخليفة، اليوم الثلاثاء، تأجيل أولى جلسات محاكمة 5 متهمين في قضية فبركة سحر اللاعب مؤمن زكريا، بالعثور على أعمال سحرية تخصه أمام أحد المدافن، إلى جلسة 15 من أكتوبر الجاري، للاطلاع والمرافعة.
قال محامى اللاعب مؤمن زكريا، إن الحالة النفسية لموكله سيئة بسبب الواقعة، لأن لديه شهرة وشعبية جماهيرية وتابع: "للأسف الناس حاولت تتاجر بمرضه وهو كابتن منتخب مصر والأهلي، الواقعة مدبرة، والنيابة فرغت محادثات هاتفية بين أمنية إحدى المتهمات في القضية وبين "عباس" ابن التربي، وعثرت النيابة على صور متبادلة بينهما للاعب مؤمن زكريا من يوم 7 سبتمبر قبل طبعها في ستوديو ماهر.
وأشار المحامي إلى أن المتهمين لم يطلبوا أموالًا من مؤمن زكريا ودي كانت مرحلة تمهيدية "بس كانوا هيطلبوا بعدين، بس طلبوا من ريهام سعيد 5 مليون جنيه عشان يدوها الفيديو اللي ظهر فيه مؤمن زكريا لما راح المقابر وقعد معاهم".
خلال تحقيقات النيابة، قال رمضان محمد عقبي: " أنا شغال تربى في مقابر في الخليفة وفى يوم كنت بزرع صبارة في الترب مرة واحدة وانا بحفر لقيت كيس بلاستيك فامسكته وفتحته عشان اشوف فيه ايه لقيت فيه لفتين وبفتح اول لفه لقيت مكتوب فيها طلاسم و حاجات مش مفهومة».
اعترافات التربي في قضية سحر مؤمن زكريا
أضاف التربي في اعترافاته: فتحت اللفة التانية لقيت فيها ثلاث ورقات بيض مكتوب عليها كلام مش مفهوم وفيها صورة للكابتن مؤمن زكريا، والصورة مكتوب عليها بالأحمر كلام مش مفهوم ومدبس فيها أكثر من دبوس مكتوب عليها بردو بالأحمر، رحت صورتهم، وبعتهم لواحد قريبي وهو قالي إنه يعرف حد يوصلني لكابتن مؤمن زكريا، وبعد كده لقيت واحد اسمه مصطفى ومعاه واحد صاحبه وقالي إنه قریب مرات مؤمن زكريا، وطلب منى يشوف الأعمال اللى أنا شوفتها في المدفن وانا وريتهاله".