عصام صاصا: أبويا مات وأنا عندي 9 شهور واشتغلت سواق توكتوك وصنايعي المونتال (فيديو)

حلقة عصام صاصا وياسمين عز .. كشف مطرب المهرجانات عصام صاصا، عن تفاصيل أزمته الأخيرة والحادث الشهير، الذي تسبب به في مقتل شخص، بعد دهسه بسياراته الخاصة على طريق الدائري، والفترة التي قضاها بالسجن، وذلك من خلال ظهور مطرب المهرجانات عصام صاصا في ضيافة الإعلامية ياسمين عز، في برنامجها كلام الناس المذاع على قناة MBC masr.

عصام صاصا: الوقت كان صعب أوي جوه السجن

وفي لحظات مؤثرة، تحدث عصام صاصا عن الفترة التي قضاها في السجن، واصفا إياها، بأصعب أيام حياته، مشيرا أنه إلى الآن لما يستعب ما مره به، قائلًا:"لحد دلوقتي مش مستوعب إني خرجت من السجن.. الوقت كان صعب أوي جوه بس ربنا عداه الحمدلله"

عصام صاصا: مكنتش بخاف من الحسد بس بقيت أخاف بعد اللي حصلي

وتحدث عصام صاصا، عن خوفه من الحسد بعد أزمته، وحديث المقربين له بأن ما حدث له كان بسبب الحسد، وكشف عن امتلاكه سيارة واحدة، قائلًا: "عندي عربية واحدة بس ومراتي بتطلب أوبر تروح بيه مشوارها... ومكنتش بخاف من الحسد بس بقيت أخاف منه بعد اللي حصلي".

عصام صاصا: أبويا مات وأنا 9 شهور وأمي اللي ربتني

وكشف عصام صاصا، تفاصيل فترة طفولته، ومحاولته بأكثر من مهنة، منذ صغره، مشيرا إلى فضل أمه في تربيته، قائلًا: "اشتغلت كهربائي وصنايعي المونتال وسواق توكتوك لأن أبويا مات وأنا عندي 9 شهور".

واستكمل قائلًا: "ماشي بدعوة أمي.. واللي أمه تملي بتدعيله أحسن من اللي أمه بتديله".

عصام صاصا: بستحرم أغني وفي رقاصة على المسرح

وكان لعصام صاصا تصريحات تخوض في موقفه تجاه الغناء، أثناء وجود راقصه على المسرح، قائلًا: "أنا مبحبش الرقاصة تطلع جانبي على المسرح وبشترط على أي مكان أن الرقاصة تعمل نمرتها قبلي أو بعدي"

عصام صاصا: عمر كمال خذلني

ومن جانبه، تحدث عصام صاصا، عن الخذلان الذي تعرض له من مطرب المهرجانات عمر كمال، بعد أن سجل معه أغنية، وقام بحذف صوته من الأغنية وتبديلها بصوت حمو بيكا دون علمه، مما تسبب في أزمة ثقة بينهما.