بالفيديو.. ياسمين عز توجه رسالة قوية لزوجات الزملكاوية بعد أزمة زيزو
احتفلت ياسمين عز على طريقتها الخاصة بانضمام أحمد سيد "زيزو" للنادي الأهلي، موجهة رسائل طريفة للزوجات الزملكاويات، تطالبهن بمراعاة أزواجهن بسبب الصدمة الكروية التي يمر بها الزمالكاوية.
واستخدمت أسلوبها الساخر والمعتاد، وذلك من خلال برنامجها كلام الناس ، المذاع على قناة mbc مصر.
ياسمين عز تعاتب زيزو
بدأت ياسمين عز حديثها بتوجيه عتاب ساخر لزيزو ، قائلة "عتاب كبير لزيزو.. ينفع اللي حصل ده .. تروح الأهلي دلوقتي وسط كل الظروف دي.. أحب أقولك فينك يا شيخ مستنيك من زمان.. نورت الكرسي الأحمر.. وأن تأتي متأخرا خيراً من أن لا تأتي ابدا".
ياسمين عز: لو جوزك زمالكاوي طبطبي عليه وشربيه لبن
وجهت ياسمين عز نصائح للزوجات الزملكاويات لمساعدة أزواجهن على تجاوز هذه الأزمة، “لو جوزك زمالكاوي طبطي عليه وسيبيه في سلام ساعديه يعدي مرارت الأيام ويتخطى الأوهام.. وأنتي قاعده بليل شربيه كوباية لبن سخنه وقوليله خش .. زيزو راح الأهلى واللي كان كان”.
واستكملت قائلة: “أي حاجة حمرا عندك في البيت شيليها من قدام جوزك الزمالكاوي هو متقعد اليومين دول لوحده مش عايزين نزودها عليه.. بلاش الشاي الأحمر شربيه شاي أخضر أو شاي باللبن".
وأضافت لتزيد من السخرية وتشير إلى أسم دلع زيزو قائلة: “لو أبنك أسمه عز أو زياد أوعي تدلعيه وتقوليله زيزو عشان الأسم ده بيغيظوا.. برقي وقوليله مش إبني معرفهوش أو غيري أسمه في السجل المدني”.
واختتمت ، قائلة: أوعي تقولي لجوزك الزمالكاوي رايحة لـ أهلي.. قولي رايحه لبابا أو ماما أي حد إلا الأهلي .. عشان الكلمة دي بتعمل مشاكل اليومين دول".
