أزمة في بنك مصر.. عميل يخسر 30 ألف جنيه بسبب خطأ موظف
تزايدت شكاوى العملاء من الأخطاء البشرية في القطاع المصرفي المصري خاصة بنك مصر، خلال الفترة الأخيرة وهذا ما يؤكده العديد بعد تعرضهم لمشاكل في المعاملات المصرفية بسبب بعض العاملين أو عدم دقة الإجراءات المتبعة، مما يؤدي لشعور العملاء بالإحباط واللامبالاة من قبل البنوك.
أزمة شكاوي بنك مصر
ويزداد القلق حول تأثير هذه التجارب السلبية على الثقة في النظام المصرفي وأثرها على العملاء الذين يواجهون صعوبات في حل مشاكلهم بشكل فوري وفعال.
موقع الأيام المصرية تواصل مع أحد المتضررين من البنك ويدعى محمد مختار لمعرفة ما إذا كانت هذه المشكلة تم حلها أم لا بعد انتشار مشكلته على السوشيال ميديا .
تفاصيل أزمة عميل بنك مصر
خلال الأيام الماضية ظهرت هذه المشكلة عندما قام أحد عملاء بنك مصر فرع إيزيس ويدعى محمد مختار الخميس الموافق 13 مارس 2025، بسحب مبلغ 250 ألف جنيه من أجل شراء شقه.
وأوضح العميل في منشور عبر صفحته الشخصية (فيسبوك) قائلاً: “خدت الفلوس من الموظفة م م روزمتين فئه ٢٠٠ و روزمه فئه ١٠٠، خدت الفلوس شيلتها في البيت علي طول، بعديها بحوالي ساعتين ع الساعه ٢ ونص جالي مكالمه من رقم موبايل بتقولي حضرتك شرفتنا ف الفرع و سحبت ٢٥٠ الف قولتلها مظبوط قالتلي الفلوس كانت فئة ايه قولتلها ١٠٠ و ٢٠٠ قالتلي تمام شكرا و قفلت، انا فكرتها مكالمه عاديه بيراجعو العمليه تاني يوم بعد الفلوس قبل م اروح اشتري الشقه لاقيت الفلوس ناقصه ٣٠ الف روزمه ١٠٠ و روزمه ٢٠٠ كلمت الرقم ال كلمني كتير جدا مردوش روحت الفرع يوم الحد قالولي لا انت فلوسك مظبوطه قولتلهم طب ازاي و كلمتوني ليه لو الفلوس مظبوطه قالولي كان في مشكله ف الخزنه بس اتحلت”.
وأضاف العميل عبر صفخته الشخصية قائلا: “راجعو هما الكاميرات ورفضو يخلوني اشوف اني مستلم الفلوس كامله زي م بيقولو، عملت شكوي ف مجلس الوزراء و شكوي في المركزي و لم اصل إلى اي شيء كده خلاص ولا في حل ”.
ثم تابع في منشور أخر قائلا: “في حد تواصل معايا من قسم السوشيال ميديا قالي احكيلي ال حصل حكيتلو قالي هنبحث و هرجع لحضرتك تاني .. كلمني بعد ساعه تقريبا بيقولي تم تشكيل لجنه و تم مراجعه الكاميرات و بالفعل تبين انك مستلم الفلوس كامله و عديت الفلوس، طب انا لو عديت الفلوس معلش هعمل كل ده ليه و ازاي تم تشكيل لجنه بالسرعه دي و راجعو الكاميرات قولتلو طب وريني خلوني اشوف بنفسي عشان اتاكد ان كلامكو صح و اني مستلم الفلوس كامله قالي ممنوع قولتلو طب اعملي سكرين شوت وريني ان الفلوس كامله رفض برضو”.
وقال "انا مش هسيب حقي و مش مسامح دول ٣٠ الف جنيه و الله اعلم جايين ازاي و رايحين فين".
خطأ بشري يكلف عميل بنك مصر 30 ألف جنيه
وأعرب العديد من عملاء البنك عبر مواقع التواصل الاجتماعي عن استيائهم من تدهور مستوى الخدمة وجاءت كالآتي:
وقال عبد الرحمن حازم "مشاكل بنك مصر التي لا تنتهي أسوأ بنك في مصر"، من جانبه قالت نيرة قائلة "سحبت من ATM مبلغ ومطلعش وعملت شكوى قالولي مفيش حاجة وقارفني في الشكوى على الآخر لما زهقت"، فيما علقت إيمان سمير قائلة "بنك مصر من أسوء البنوك"، ومن جانبها قال فؤاد الحفني، "تجربتي معاه سيئة جدًا جدًا جدًا".
وقالت آية سيد "على فكرة في مشكلة في البنوك حتي الاهلي بجد في مشكلة ومريبة وغريبة وجدا فلوس بتتسحب وانت مش عارف مين اللي سحبها وتطلب منهم يقولولك في خدمة العملاء منين اتسحبت يقولك مش واضح ازاي يعني مش واضح عندك اما انت مش واضح مين الي هيكون واضح تلاقي مرة واحدة متحولك مبلغ اهبل ومش عارف من مين طب كانت عمديه ورجعت لا ده أضافة لحسابك أيوة وده فعلا وأكتر من حد حصل معاه كده للأسف من الواضح أنهم عندهم مشكلة كبيرة".
