كامل الوزير: لما عملنا طريق الجلالة قالولي انت بتضيع فلوس مصر

قال الفريق مهندس كامل الوزير نائب رئيس الوزراء للتنمية الصناعية وزير النقل والصناعة، إنه أثناء تنفيذ طريق الضبعة كنت أتولى في هذا التوقيت مدير المهندسين، والناس قالت ساعتها أنت ماشي في الجبل إزاي، ولما عملنا طريق الجلالة قالولي “ أنت بتضيع فلوس مصر، لكن دلوقتي فيها محاجر رخام ومصانع رخام، واللي عاوز يروح الغردقة بيروح بسهولة، يعني الفلوس مبتترماش، ومن غيرها منقدرش نشتغل، ولو عندي فلوس في البنك المركزي هاخد فائدة بـ19% ورفعنا لـ30% غصب عننا، الـ30% هنسددهم هما هما 30%”.

كامل الوزير: لما عملنا طريق الجلالة قالولي انت بتضيع فلوس مصر

وأضاف نائب رئيس الوزراء علي هامش لقاء مع الصحفيين "لو أنا روحت أخدت قرض من البنك الدولي أو من الوكالة الفرنسية أو الوكالة اليابانية، هسدد أقل من 15 من 100% للوكالة الفرنسية و40 سنة فترة سداد، يعني لو أخوك مش هيسلفك كده ولا 40 سنة.

وأوضح نائب رئيس الوزراء: احنا خططنا واخدنا قرض من البنك الدولي عشان نعمل الإزدواج والتطوير وقولنا للقطاع الخاص يعمل الخط الرابع،أما بالنسبة للقروض، اللي مش فاهمين في القروض التنموية، لو انت النهاردة عاوز تطور صناعة أو زراعة أو سياحة، ينفع تطور من غير ما تعمل وسائل مواصلات،وتنقل سياحة وغيرها، لا طبعا متقدرش، إذا الهدف تعمل بنية أساسية عشان تخدم الاقتصاد فيما بعد، لو معملتش كل حاجة هتقف، زي الزراعة والصناعة والسياحة.