جنايات الجيزة تسدل الستار على قضية قاتل صديقه في البراجيل اليوم

تصدر بعد قليل، محكمة جنايات الجيزة المنعقدة في مجمع محاكم زينهم، اليوم الأربعاء، حكمها علي المتهمhttps://www.alayamegy.com/485569 بقتل صديقه "سيد بركة" في البراجيل، بمنطقة أوسيم في الجيزة بسبب خلافات بينهما للحكم.

ويوضح موقع الأيام المصرية خلال السطور التالية أهم ما جاء بخصوص الحكم اليوم على قاتل صيدقه "سيد بركة" في البراجيل، حيث تنظر هيئة محكمة جنايات الجيزة في مجمع محاكم زينهم النطق بالحكم في القضية. 

ووفقًا لاعترافات المتهم "حسام.ص" أمام النيابة وحسب ما جاء بأوراق القضية رقم 1254 لسنة 2024 إداري مركز أوسيم، فإن المتهم استدرج صديقه "سيد بركة"، إلى مكان بعيدًا عن قريتهما البراجيل، لعتاب الأول الأخير ظنًا منه أنه حرض خطيبته السابقة "رحاب" ـ متوفاه ـ على فسخ خطبتهما بعد نحو 3 أشهر من الإرتباط.

وبعد أن قام القاتل "حسام" بلوم صديق عمره "سيد" ووصل الموضوع بينهما للسب والاشتباك بالأيدي، فغافل المتهم صديق من الخلف وقام بخنقه بكوفية كان يرتديها "سيد"، وأقبض يديه على عنقه حتى فاضت روحه.

ولم يكتف الجاني "حسام" بما فعله في جريمته، بل قام بالتعدى على جثة صديق عمر "سيد بركة" بالحجارة، لإبعاد الشبهة عنه وإخفاء ملامح الجريمة وتركه وسط أرض زراعية غارقًا في دمائه.

وإليكم تفاصيل محضر النيابة

س/ متي واين حدث ذلك تحديد؟

ج/ أنا خاطب رحاب رشدي بقالي 3 شهور من بداية شهر 12 السنة اللي قالت ورحاب نزلت البوست بتاع فسخ الخطوبة الأسبوع اللي فات عالطول، وخناقتي معاه وشتيمتنا لبعض واليوم اللي مات فيه كانت يوم السبت اللي فات الموافق 2/3/2024.

وأضاف المتهم أنه، بالليل بعد الساعة العاشرة مساء بطريق محور الضبعة الرئيسي منطقة الزيدية على طريق كله تراب جمب الأراضي الزراعية كوبري الضبعة مركز أوسيم الجيزة، ولما روحت مركز شرطة أوسيم، وقولت كل حاجه لما ظباط المباحث في المركز قعدوا يتكلموا معايا كان يوم الأحد الموافق 3،3/2024، بعد أذان الظهر عالطول أوسيم الجيزة.

تحقيقات نيابة شمال الجيزة مع قاتل صديقه في البراجيل

أكد المتهم بقتل صديقه في الجيزة في اعترافات جهات التحقيق، أنه بعد ما اتخانق مع صديقه "سيد بركة"، قام  المجني عليه بسبي وشتمني بأبويا وأمي، رديت عليه الشتيمة علطول وسبتله، فقام هو واقف بالمكنة بتاعتي ونزل منها، نزلت وراه لقيته بيشتمني تاني قمت قايله أنا اتخنقت منك.

وأوضح المتهم في تحقيقات النيابة العامة، أن المجني عليه مسك فيا من فوق هدومي وأنا مسكت فيه من فوق هدومه، وفضلنا ماسكين في بعض ومن قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره.

وتابع المتهم أنه قام بعدل صديقه المجني عليه "سيد بركة" قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.

وتابع قاتل صديقه: قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول.

وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم، وبعد كده لقيتهم من كثر ما الضباط كانوا بيتكلموا معايا وسألوني كتير أوي فرُحت قلتلهم كل حاجة والحقيقة اللي لسه حكيها دلوقتي وجابوني على النيابة وهو ده كل اللي حصل بالضبط.

اعترافات قاتل صديقه في الجيزة “سيد بركة”

• س: من كان برفقتك تحديدا؟
• أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
• س: ما صلتك بسالف الذكر تحديدا؟
• محمد بشير ده عيل صغير عنده 12 سنة كان بييجي ساعات في المغسلة يشتغل وياخد مصاريفه بتاعة المدرسة لإنه كان في المدرسة معظم الوقت وده اللي وصلناه أنا وسيد بريك وقتها.
• س: ما صلتك بالمدعوة رحاب رشدي عبد العاطي تحديداً؟
• دي كانت خطيبتي لغاية الأسبوع اللي قبل ما شهر 3 يبدأ.
• س: وما سبب وعلة نهو تلك الخطبة تحديدا؟
• معرفش أنا لقيت مرة واحدة سيد بريك جاي بيقولي رحاب رشدي نزلت بوست على صفحتها.
• س: وعلى أي شيء يحوي ذلك تحديدا؟
• لقيتها كاتبة تم بحمد لله فشكلة خطوبتي.
• س: وما التصرف الذي بدر منك حيال ما عملته تحديدا؟
• رنيت على رحاب رشدي أشوف ايه اللي حصل وليه كتبت كده.
• س: وهل استجابت لهاتفك تحديداً آنذاك؟
• لا لقيتها حاطة تليفوني على بلاك ليست