نجوى فؤاد تنتقد الراقصات الروسيات: البدل العريانة بوظت الشغلانة.. ودينا مش ملتزمة
كشفت الفنانة نجوى فؤاد عن وصيتها بعد وفاتها، بألا يقام لها واجب عزاء، وذلك خلال تصريحات تلفزيونية مع الإعلامية أسما إبراهيم في برنامج حبر سري.
نجوى فؤاد تكشف عن وصيتها في برنامج حبر سري
قالت الراقصة نجوى فؤاد عن وصيتها الأخيرة، بأنها لا تحب أن يقام لها واجب عزاء بعد وفاتها، وذلك خلال لقاءها في برنامج حبر سري مع الإعلامية أسما إبراهيم.
وتابعت: مش عايزه يتعمل لي عزاء، لأني بحضر عزاء كثير وبشوف الناس المحزونين أو الحزانى على المتوفى قليلين جدا، اللي بيتكلم في قصة فيلم، واللي بيتكلم في قصة حياة، واللي بيتكلم في الطبيخ، ومحدش حاسس بأهل المتوفى حاسينه، جايين يؤدوا واجب".
وأضافت: “مش بتمنى ده يحصل لي في عزائي، بتمنى أروح لربنا وحيدة كما أنا وحيدة، وأعيش حياة طبيعية جدا مع ربنا، وربنا بقى يسامحني على كل حاجة غلط عملتها في الدنيا”.
نجوى فؤاد: الناس هاجموني علشان بنتقد الراقصات الروسيات على بدل الرقص العريانة
كشفت نجوى فؤاد في تصريحاتها ببرنامج حبر سري، عن رأيها في الراقصات الروسيات، وأعاد نشر مقاطع فيديو من لقاءها الخاص مع الإعلامية أسما إبراهيم، عبر الصفحة الرسمية للبرنامج على موقع إنستجرام.
وقالت: الناس هاجموني بسبب تصريحاتي عن بدل رقص الروسيات اللي بطلع انتقدها في البرامج ليا أكتر من 10 أو 15 سنة، لأنهم دخلوا علينا موضة البدل العريانة اللي مكنتش عندنا، أنا لما بدأت رقص وأنا عمري 18 سنة، كنا بنحط قماشة شيفون على منطقة البطن وأحيانا نحط خرزة علشان تداري المنطقة دي لأنها بتجذب النظر، لكن الناس نشرت لي صورة من إعلان عملته لوزارة السياحة وأنا متصورة قدام الهرم عريانة وماسكة الشمسية، وقالوا إزاي بتنتقدي البدل العريانة وانتي متصورة كده".
جدير بالذكر أن نجوى فؤاد ظهرت مؤخرا تنتقد أيضا الراقصات الأجنبيات، مؤكدة أنه ليس هناك راقصة ثابتة على مبادئ الرقص الشرقي بعدها وبعد فيفي عبده إلا الراقصة دينا.
وأشارت أن دينا رغم أنها تقدم رقص شرقي أصيل، إلا أنها لم تلتزم بزي الرقص الشرقي على عكس فيفي عبده التي تلتزم بزي الرقص الشرقي.