شيماء سعيد أم ضاضا: إسماعيل الليثي بيعاملني بإهانة واللي كان بيفرحني مات
خرجت الميك أب ارتيست شيماء سعيد، عن صمتها، بعد فترة قليلة من وفاة نجلها ضاضا إسماعيل الليثي، يبدو أن هناك خلاف نشب بينها وبين زوجها إسماعيل الليثي، وذلك لاتهامها بحضور حفل زفاف شقيقتها رغم وفاة نجلها.
وكشفت شيماء سعيد، عن تفاصيل لأول مرة، وتصرفات زوجها إسماعيل الليثي، ومحاولته المستمرة لإهانتها، وفي هذا الصدد حرص الأيام المصرية على مشاركة متابعيه تفاصيل عن ما قالته شيماء سعيد، من خلال مقطع فيديو عبر حسابها على موقه نشر الفيديوهات الشهير تيك توك.
شيماء سعيد أنا بنت ناس مقبلش الإهانة
وظهرت الميك أب ارتيست شيماء سعيد، زوجة إسماعيل الليثي من خلال مقطع فيديو، لتشكو من معاملة زوجها، قائلة نصًا: "بيعاملني وحش جدا جدا، فوق ما تتخيلوا، بيعاملني وحش جدا ومبنتكلمش مع بعض، بقالنا 3 أيام مش بنتكلم، مش واخده منه على الإهانة، أنا بنت ناس معملتش حاجة علشان تهني ولا تشتمني وكل شوية تسمعني كلام".
شيماء سعيد محضرتش فرح أختي اللي كان بيفرحني مات
يبدو أن الخلاف نشب بسبب اتهام إسماعيل الليثي، لزوجته شيماء سعيد بحضور فرح شقيقتها، بعد فترة قصيرة من وفاة نجله ضاضا الليثي، ولكن شيماء سعيد حرصت على أن تنفي حضورها، فرح شقيقتها، قائلة: “أنا محضرتش فرح أختي ولا حتى دخلت القاعة، ولا شوفت القاعة، كان أخري أول الباب، وحياة الشدة اللي أنا فيها، خرجت على عربيتي علطول، أول ميك أب عملتهولها في الفندق، والتاني كان في مكتب اللواء".
شيماء سعيد: مش قادرة استحمل كفاية كده
واشارت شيماء سعيد، إلى عدم قدرتها على التحمل، الضغط النفسي الموجه إليها من زوجها، قائلة" وكفاية لأني مش قادرة استحمل، فلو هتفضل معايا على الطريقة بتاعتك دي مش هقدر استحمل، ومش هعرف أعيش، ومفيش حاجة في الدنيا تفرحني اللي كان بيفرحني مات، ولا في حاجة تفرحني ولا أعملها تخفف عني شوية، أنت مش عايز تكمل معايا بلاش قلة قيمة وكل شوية شتايم وإهانة".
واستكملت: “ سيبني في حالي، طالما مش حاببني، سيبني أشوف أكل عيشي، أنت أبو رضا هتفضل العمر كله أسمك مكتوب عندي ومش هيدخل في حياتي دكر غيرك علشان أنت أرجل واحد في الدنيا، مش عايزني سيبني أربي عيالي، لا عمري عملت حاجة تهينك، ولا عمري لساني اتفتح فيك، علشان خاطر ربنا ارحمني”.
