أحمد سلطان لـ "الأيام": فيلم المخفي هيكون مفاجأة وهذا موعد العرض الخاص

يستعد الفنان أحمد سلطان وصناع فيلم “المخفى”، لحضور العرض الخاص يوم الأربعاء المقبل، والمقرر إقامته بإحدى دور العرض السينمائي في 6 أكتوبر.

وحرص  الأيام المصرية على التواصل مع بطل فيلم المخفي الفنان أحمد سلطان..

ما هي قصة المخفي؟

وكشف الفنان أحمد سلطان، سبب اختيار اسم المخفي عنوانا للفيلم، قائلًا: "المخفي هو الشخص المهمش اللي محدش بياخد باله منه، وهو الشخص اللي مش بيعرف يزعل حد بيخاف على مشاعر الناس ومحدش بيخاف على مشاعره، المخفي هو كل واحد فينا في موقف اتكسف يقول فيه لأ".

وأشاد أحمد سلطان بالسيناريست أحمد عبدالله، فيما يخص كتابة الشخصية على الورق وما يقدمه من خلال شخصية المخفي وهو ما شجعه على قبول الدور.

أحمد سلطان : الممثل يقدر يمثل أي دور وده اللي قدمته في عمر أفندي

وتابع أحمد سلطان لـ"الأيام المصرية": "الممثل يقدر يؤدي أي دور وده الحمد لله واضح في آخر أعمالي مسلسل "عمر أفندي".. فقد قدمت دور كان فيه مشاعر متنوعة بين الضحك والزعل والحب والفرح، وده برضو هيظهر في فيلم المخفي بإذن الله".

أحمد سلطان : ربنا رضانا برد فعل الجمهور على أغنية فيلم المخفي "جتلكوا"

وأشار أحمد سلطان إلى رد فعل الجمهور، وانتظاره لعرض الفيلم، وخصوصاً، بعد عرض البرومو الرسمي والأغنية الدعائية بعنوان “جتلكوا”.

وقال: "الأغنية الدعائية لفيلم المخفي عملت رد فعل كبيير الحمد لله، ورد فعل الناس على البرومو الدعائي أسعدنا جداً وكم الناس اللي متشوقين لنزول الفيلم، الفيلم هيكون مفاجأة على كل المستويات".

وعن موعد طرح الفيلم بالسينمات، قائلًا: "في انتظار فيلم المخفي بإذن الله هينزل يوم 23 أكتوبر".