إيناس عز الدين تبدع على مسرح النافورة مهرجان الموسيقى العربية 2024 (صور)
شاركت المطربة إيناس عز الدين ضمن مجموعة من نجوم دار الأوبرا بفعاليات اليوم التاسع لمهرجان الموسيقى العربية 2024، في دورته الـ 32.
ويحرص الأيام المصرية على مشاركة متابعيه تفاصيل أكثر عن أهم وأبرز الأخبار الفنية ونجوم الوسط الفني من بينهم المطربة إيناس عز الدين، لذلك نشارككم تفاصيل مشاركتها واطلالاتها بمهرجان الموسيقى العربية 2024.
إطلالة إيناس عز الدين بمهرجان الموسيقي العربية 2024
وظهرت إيناس عز الدين من خلال فعاليات مهرجان الموسيقى العربية 2024، بإطلالة اتسمت بالأناقة، لتبرز جمالها وتليق معها، واعتمدت تسريحة شعر منسدل، ولمسات بسيطة من الميك أب لتبرز رقة ملامحها الهادئة.
إيناس عز الدين: مهرجان الموسيقى هو العيد بتاعنا علشان نوصل أن مطربين الأوبرا قادرين وقد المسؤولية
وعلى هامش المهرجان ومن خلال لقاءات صحفية، كشفت المطربة إيناس عز الدين عن أهمية مهرجان الموسيقى بالنسبه لها، قائلة: "مهرجان الموسيقى العربية هو العيد بتاعنا فعلا، دائماً بنكون عايزين نظهر بأحسن صورة وأحسن شكل، بس طبعا في المهرجان بيكون تسليط الضوء الإعلامي علينا أكتر، فبنهتم أكتر عشان نوصل للناس كلها أن مطربين دار الأوبرا المصرية، قد المسؤولية وقادرين أنهم يقدموا أفضل ما عندهم".
إيناس عز الدين : كان نفسي أغني وحياتي عندك للراحلة ذكرى
أما عن برنامج الحفل، وعن تأجيل حفلها بالجدول أكثر من مرة، فكشفت إيناس عز الدين عن التفاصيل، وقالت: "برنامج الحفلة كان اتنين بس زودنا النهاردة أغنية تانية، حمال القاسية لفايزة أحمد، واسمعوني لوردة الناس بتحبها مني من وقت برنامج أراب أيدول، وأغنية أنا في انتظارك أم كلثوم، يارب يقدرني وانال استحسان الجمهور".
واضافت، قائلة: "أنا كنت من البداية اختارت أغنية اسمعوني عشان الجمهور بقاله كتير مسمعهاش مني، بس كذا مرة الجدول أتغير ففي ناس اختارت الأغاني دي، فكان لازم أغير اختياراتي، في أغنية كنت نفسي أغانيها أغنية وحياتي عندك للفنانة الراحلة ذكرى، وفي قمة قهرتي إني مش هغنيها، فكان الإختيار للأغاني اللي محدش اختارها وفي نفس الوقت أكون بحبها".
إيناس عز الدين : مبحبش أسجل أغنية إلا لو كانت بتاعتي
وأشارت إيناس عز الدين، إلى أنها لا تحب أن تسجل أغنية على طريقة الكوفر خاصة بأي فنان آخر، قائلة: "اتمنى يكون في شغل قريب خاص بيا بس الفكرة في الحته الإنتاجية لأني بقوم بالإنتاج لنفسي، أنا شخص منتشر ع السوشيال بس كشخص عادي، إنما كفنانة مقصره في حق نفسي وحق جمهوري، ومفكرتش أعمل كل الأفكار اللي بتتعمل ع السوشيال زي كوفر للأغاني القديمة، لأن مبحبش اتحط في مقارنه مع صاحب الأغنية الأصلي اللي لا يمكن هقدمها أفضل منه، فأحب لما أقدم حاجة تكون بتاعتي".
