سيد علي: الرئيس السيسي يصلح ما أفسده الآخرون.. والشعب متحمل جدا
علق الإعلامي سيد علي، على افتتاح الرئيس عبد الفتاح السيسي، لمحطة قطارات صعيد مصر في بشتيل بمحافظة الجيزة.
وقال سيد علي، خلال حديثه ببرنامج "حضرة المواطن"، المذاع على قناة الحدث اليوم: "مشكلة الرئيس السيسي أنه يصلح ما أفسده الآخرون، أو ما لم يفعلوه، وأنا مستغرب جدا الحكومات دي كلها كانوا مستنيين إيه، معملوش ده ليه، كان بيرقع بس لحد ما يجي حد يشيل".
وأضاف: "الجيل ده شايل كتير جدا، والشعب ده متحمل جدا، والناس زمان خرجوا مظاهرات على أنور السادات عشان زود الرغيف تعريفة، وقرش ساغ، دلوقتي الناس صابرة عشان شايفين حاجات بتحصل في البلد".
سيد علي: الاستثمار اللي بيحصل ده هو اللي هيخلق مجتمع بيعمر
وتابع سيد علي: "تخيل دلوقتي لو مفيش محطات مترو، ولا كوبري أكتوبر أو الدائري أو التجمع ولا زايد ولا أكتوبر كان حالنا هيبقى إيه، برغم ظروفنا الاقتصادية الصعبة، إنما في عقلية بتبني، والاستثمار ده هو اللي هيخلق مجتمع بيعمر".
وشهد الرئيس عبد الفتاح السيسي، اليوم السبت، افتتاح محطة قطارات صعيد مصر في بشتيل بمحافظة الجيزة.
