نجل الراحل هاني الناظر يكشف وصية والده له قبل وفاته
تحدث الدكتور محمد الناظر، طبيب الجلدية، عن علاقته بوالده الراحل الدكتور هاني الناظر، ووصيته له قبل وفاته.
وقال محمد الناظر، خلال استضافته ببرنامج "كلام الناس"، المذاع على قناة إم بي سي مصر: "العلاقة بيني وبين والدي كانت دائما أني بتعلم منه تعليم أكاديمي وتعليم في الشغل، واتعلمت أدي كل اللي عندي للناس من غير مقابل".
وأضاف: "والدي كان بيقضي وقت كبير جدا على صفحته بيفيد الناس، وعشان كده بعد وفاته بقيت أدخل أرد باسمه على الناس وأخصص وقت لكده".
وتابع: "والدي لم يوصيني بهذا، لكن أنا كنت عايز أكمل الأعمال اللي بيعملها، وده كان عمل عظيم هيفيده أكتر من الدعاء، ودي أكبر حاجة ممكن أعملها له".
محمد الناظر: أبويا كان بيقولي دايما عمرك ما هتعرف ترضي الناس
وأكمل: "كان دايما يقولي أنت عمرك ما هتعرف ترضي الناس، ودايما هتلاقي في ناس بتخبط فيك وناس بتحاربك وطالما بتعمل الصح ميهمكش أي حاجة تانية".
في سياق آخر، كشف الدكتور محمد الناظر، طبيب الجلدية، عن أنواع التقشير للبشرة، مشيرا إلى ضرورة مراعاة مجموعة من العوامل عند القيام به.
وقال محمد الناظر، خلال استضافته ببرنامج "كلام الناس"، المذاع على قناة إم بي سي مصر: "التقشير يعتبر من أشهر الوسائل التي تستخدم في التجميل منذ القدم، فكرة التقشير يعتمد على حرق الجلد لكن بنسب معينة وبشكل متحكم فيه".