بشرى تتوعد مروجي الشائعات المغرضة حول انفصالها عن خالد حميدة
كشفت الفنانة بشرى عن قرارها بعد تداول شائعات انفصالها عن زوجها خالد حميدة خلال الفترة الماضية، موضحةً أنها تحدثت مع خالد مقررةً أن تتفق مع شركة عالمية لكشف كل من يقوم بعمل حملات سواء ضدها أو ضد أي فنان آخر.
جاء ذلك في تصريحات أدلت بها بشرى لبرنامج et بالعربي، والتي نفت خلالها أيضًا شائعات انفصالها عن خالد حميدة، مؤكدةً أن وجودهما معًا هو أكبر تكذيب لهذه الشائعة، مطالبةً الجمهور بعدم تصديق كل شيء لأنه توجد شائعات مغرضة وحملات ممنهجة.
ويستعرض الأيام المصرية في السطور التالية أبرز تصريحات الفنانة بشرى حول شائعات انفصالها عن زوجها خالد حميدة وقرارها بعد هذا القرار.
تصريحات بشرى لـet بالعربي
صرحت بشرى: "مش هقول غير إن وجودنا مع بعض أكبر تكذيب، وإن أقول للناس ماتصدقوش أي حاجة بتسمعها وبتشوفوها، لأن فيه طبعًا شائعات مغرضة وحملات ممنهجة".
وأضافت: "والحقيقة إني اتكلمت مع خالد إني قررت أتفق مع شركة عالمية لكشف كل الناس اللي بتعمل حملات، سواء ضدي أو ضد أي فنان تاني".
بشرى: "مهتمة بكشف كل الناس اللي بتعمل حملات ضدي أو ضد زمايلي حتى لو هسيب كل اللي ورايا"
وأشارت: "أنا واخدة على عاتقي الموضوع ده، وخالد كمان بيشجعني في حاجة زي كده، لأنه مش صعب على فكرة نعرف مين اللي بيطلع الحملات المغرضة والكاذبة واللي بيمسكوا الفنانين مابيسيبوهمش، ولو حتى هسيب كل اللي ورايا وأركز في الموضوع ده أنا هعمل كده".
لافتةً بأن: "خلاص الموضوع فاق الحدود، والموضوع مش خاص بيا، أنا وهو ماعندناش وقت للحاجات دي لأننا بنشتغل وعندنا حاجات كتير أهم من اللغط واللت والعجن بتاع الناس، لأنه حوالينا حروب وبلدان بتصارع عشان تعيش، مش معقول يعني نبقى بالتفاهة دي ونركز في الحاجات دي".
وأكملت بشرى: "وبرضو ماينفعش نسيب الناس اللي بتعمل كده، وإن شاء الله يكون لينا كلام مع وزير الاتصالات وكل الجهات المعنية بهذا الأمر، لأني مش هسكت لا ليا ولا لزمايلي الفنانين"، لافتةً: "سهل أوي على أي شركة عالمية تكتشف الناس اللي بتعمل الحملات الممنهجة دي".
وعن تكريم الفنان محمود حميدة من مهرجان الجونة السينمائي في نسخته السابعة، قالت بشرى: "حمايا طبعًا بيتكرم، حمايا بيتكرم في قلبي كل يوم، حمايا ده حبيبنا كلنا وأستاذنا كلنا".
بشرى: “بدايتي كانت مع محمود حميدة في فيلم إسكندرية نيويورك”
مشيرةً: "أنا كانت بدايتي مع أستاذ محمود حميدة من خلال فيلم إسكندرية نيويورك مع الراحل يوسف شاهين، وهو أول بختي في السينما، فطبعًا إني أحضر تكريمه في المهرجان اللي أنا شاركت في صناعته دي حاجة عظيمة جدًا".
وأتمت بشرى: "والمهرجان على مدار السنوات اللي فاتت كان بيفكر يكرم أستاذ محمود حميدة، علشان أنا عندي الصندوق الأسود والكواليس، بس هو دايمًا ساعات الفنان بيبقى شايف إنه لسه شوية على تكريمه، لسه محتاج يبقى حاسس إنه عايز يتكرم في وقت معين، فأنا سعيدة إن أخيرًا أستاذ محمود حميدة قبل هذا التكريم وطبعًا تكريم مستحق".
طبيبة شرعية آخر أعمال بشرى
يشار إلى أن آخر أعمال الفنانة بشرى مسلسل طبيبة شرعية، والذي انطلق عرضه في فبراير الماضي، وشاركها في بطولته نضال الشافعي، فراس سعيد، مروة عبد المنعم، سميرة صدقي، ياسر علي ماهر، الطفلة لافينيا نادر وغيرهم.
ويذكر أن المسلسل يتألف من 20 حلقةً وتدور أحداثه في قالب من الغموض والتشويق، وهو من تأليف محمد الغيطي وإخراج شادي أبو شادي.
