أحمد موسى لـ المواطنين: لازم تتحملوا عشان بلدنا تفضل آمنة.. شوفوا اللي حوالينا
قال الإعلامي أحمد موسى، إنه يجب على الشعب أن يقدم الدعم الكامل للقوات المسلحة للحفاظ على الأمن والأمان، معلقا: "المواطن لازم يتحمل عشان بلده تفضل آمنة".
وأضاف أحمد موسى، خلال برنامجه "على مسئوليتي"، المذاع على قناة صدى البلد: "يجب على الشعب العمل على تقديم الدعم للجيوش، وتكون إيدك معاهم، وكل ده ليه ثمن غالي".
أحمد موسى: يجب على الشعب دعم الجيش
وتابع: "كل ما أنت تبقى قوي، محدش هيعرف يقرب منك، ولازم نخلي بالنا، ونشوف اللي بيحصل حوالينا دلوقتي، بصوا وشوفوا البلاد اللي حواليكوا".
وعلق أحمد موسى، في وقت سابق، على استعدادات الجيش المصري وتنفيذ مناورات بالذخيرة الحية، قائلا: "عندنا جاهزية لكل شيء".
وقال أحمد موسى، خلال حديثه ببرنامج "على مسئوليتي"، المذاع على قناة صدى البلد: "عندنا جاهزية لكل شيء لأن الأوضاع مقلقة في كل مكان، لكن جيشنا بيحمي بلدنا وحدودنا، ولديه كل الجاهزية".
أحمد موسى: اللي يفوت من حدودنا يموت
وأضاف: "اللي يفوت من حدودنا يموت، جيشنا مبيهزرش، ومحدش يهزر مع مصر أبدا، مفيش حد يقدر يجيب سيرة مصر تاني".
