الشيخ التجاني يخرج عن صمته ويكشف سر علاقته مع خديجة وسبب طلبه إرسال صورها «خاص»
في الساعات القليلة الماضية تصدر الشيخ صلاح الدين التجاني تريند مواقع التواصل الاجتماعي بسبب اتهام فتاة تدعي "خديجة" بالتحرش بها، وإرسال صور إباحية لها عبر حسابها الشخصي على مواقع التواصل الاجتماعي.
كشف الشيخ صلاح التجاني في تصريح خاص لموقع الأيام المصرية عن اتهام خديجة له موضحا أنه لا صحة لكلامها، لأنها مريضة نفسيا وعقليا.
وتابع: “أنا كنت بعاملها كـ أب بسبب مرضها النفسي والعقلي، ووالدها كان السبب في مرضها بسبب قسوته وعنفه معها منذ طفولتها، اللي بينها وبين والدها كانت مشاكل عنيفة”.
حاولت الانتحار 4 مرات
وأضاف: "والدها كان بيضربها جامد وحاولت تنتحر 4 مرات، وأنا كنت المسؤول عن الأسرة عشان امتص عنها كل هذه الأمور كانت حاجات جامده ومشاكل صعبة، وهى متجوزة ومخلفة بس مش قادرة تنسي”.
والد خديجة مريض نفسي
أشار الشيخ التجاني إلى أن والد خديجة هو الممول لكل المواقع الإلكترونية واللجان التي تهاجمه بسبب عقده النفسية والعقلية فهو أيضا مريض.
وقال التجاني لموقع الأيام المصرية: “والد خديجة هو اللي وصلها للمرحلة دي، لأن البنت غلبانة هي كانت بتدرس في تركيا وراح ضربها وطردها بره الفندق اللي كانت ساكنة فيه، واتصلت بيا وحكت لي اللي حصل لأن أنا كنت بعتبرها بنتي وبنصحها عشان عارف ظروفها المرضية”.
طلبوا زواجها من ابني
واستكمل الشيخ التجاني: "بعدها بفترة لقيت والدها عندي في الزاوية وبيقولي مش هنلاقي عريس أحسن من ابنك لبنتي، ومامتها كمان طلبت مني أزوجها لـ ابني، وكان وقتها ابني بيدرس في أمريكا، وأنا مردتش أكسفه وقولت يمكن خير، وكلمتها وقولتها تقرب من ابني وتبعتله صور للزاوية من الصور الجميلة اللي بتصورها وتاخد رأيها فيها لكن هى أول ما كلمته حكت له كل مشاكلها مع والدها".
رفض الزواج من خديجة
تابع: “وهو كلمني وسألني خديجة بتكلمني ليه لأن هو مش عبيط وحكيت له اللي حصل وهو رفض يكمل بسبب اللي كانت بتحكيه عن والدها ومرضهم هما الاتنين”.
