"أبويا مات مرتين".. عصام صبحي لاعب الإسماعيلي يودع إيهاب جلال برسالة مؤثرة
ودع عصام صبحي لاعب الإسماعيلي، مدربه إيهاب جلال برسالة مؤثرة، وذلك بعد وفاه مدرب الدراويش بالأمس بعد صراع طويل مع المرض، حيث تعرض الشارع المصري الرياضي لصدمة كبيرة من الخبر، ويسرد لكم موقع الأيام المصرية رسالة اللاعب عصام صبحي المؤثرة التي ودع بها إيهاب جلال.
عصام صبحي يودع مدربه إيهاب جلال
كتب عصام صبحي عبر حسابه الرسمي بالإنستجرام رسالة مؤثرة قال بها:" «قُلْ كُلَّ يَعْمَلَ عَلَى شَاكِلَتِهِ فَرَبَّكُمْ أَعْلَمُ بِمَنْ هُوَ أهْدَى سَبِيلًا»، انت اللي فسرت ليا معني الآية دي وشرحتلي كل حاجة تخصها وقولتلي أتعامل بيها ازاي".
واصل عصام صبحي:" وأنا أشهد الله إن أنت مافيش حد على شاكلتك من احترام وأدب وإنسانيه أنت النهاردة سيبتنا وروحت لمكان أحسن، بس سيرتك الطيبة وحب الناس ليك وكلامهم عنك خلوني أتأكدت إن ربنا راضي عنك، كان نفسي تشوف بعينك لما تعبت حب الناس ليك قد إيه، وخوفهم عليك ودعائهم ليك بالشفاء قد إيه يمكن ده كان يخفف عليك شويه من الحزن والتعب اللي شوفتهم أخر فترة".
أنهي حديثه:" النهاردة أنت فارقت الحياة بس عايش جوه كل واحد بيحبك عايش بسيرتك وبمواقفك وبعملك الخير والنهاردة بشوف بعيني حب الناس ليك وحزنهم على وفاتك، والله اتمنيت لما يجي يوم وفاتي تكون ساعتها سيرتي زي سيرتك يا أحسن الناس، عد وفاة أبويا الله يرحمه أنا قولت مفيش حاجه في الدنيا هزعل عليها قد وفاة أبويا، بس أنا الوحيد اللي أبوه مات مرتين، علشان ما اعتبرتك غير أب ليا وزعلي عليك وكسرة قلبي عليك عمرها ما تتوصف، مع السلامة یا راجل یا محترم، مع السلامة يا راجل یا طیب، مع السلامة يا راجل يا جدع، مع السلامة يا أبويا، ولا نقول إلا ما يرضي ربنا، إنا لله وإنا إليه راجعون".
نادي الإسماعيلي اليوم يقيم صلاة الغائب على روح إيهاب جلال
أعلن نادي الإسماعيلي عن صلاة الغائب اليوم، وذلك لروح مدرب الفريق إيهاب جلال، حيث تقام صلاة الجنازة اليوم في التجمع الخامس بمسجد حسن الشربتلي.
