صلاح العزب لـ"الأيام المصرية": مُستعد لتغيير اسم مسلسل سفاح التجمع
كشف السيناريست محمد صلاح العزب عن حقيقة الخلاف حول اسم مسلسله سفاح التجمع، بعد تداول رواد السوشيال ميديا بعدم إجازة تداول اسم مسلسل بنفس اسم المجرم، طالما هناك عمل بنفس الاسم للسيناريست جوزيف فوزي، والذي سبقه بحفظ حقوقه الفكرية للعمل.
محمد صلاح العزب يوضح حقيقة تغير اسم مسلسله سفاح التجمع
قال السيناريست محمد صلاح العزب في تصريحات خاصة لـ الأيام المصرية، إنّ هناك “لبس” في قصة اسم مسلسل سفاح التجمع.
وأضاف السيناريست عزب: "ما هو تمام، بس فيه لبس في الموضوع ده، هو اللي بيقوله مش إن محدش ينفع يعمل قصة سفاح التجمع، هو قايل إن محدش ينفع يعمل التناول اللي هو عامله، وده طبيعي، إن ما فيش حد هيكرر نفس الفكرة، محدش عارف اللي هو عامله أصلا، يعني ما هو أنا شخصيا مسجل في الرقابة برضه بنفس الاسم، والرقابة عطياني تصريح بالتصوير برضه".
وتابع: “هو رجل محترم وأنا بشوف تصريحاته، هو بيكلم كلام منطقي من وجهة نظره، أنا بالنسبة لي أنا عندي تصريح من الرقابة بالتصوير، ومدخل ست حلقات ومدخل المعالجة وواخد موافق عليهم، فأنا مش شاغل بالي أصلا بالموضوع”.
السيناريست محمد صلاح العزب لديه استعداد لتغير اسم مسلسل سفاح التجمع
أكد محمد صلاح العزب مؤلف مسلسل سفاح التجمع، أنّ لديه الاستعداد لتغير اسم مسلسله سفاح التجمع، في حال كان للسيناريست جوزيف فوزي قام بالتسجيل قبله.
وأردف: “أنا معرفش هو عامل إيه في مسلسله، بس أنا بالنسبة لي لو هيبقى فيه خلاف على الاسم، أنا ما عنديش مشكلة في إن يتغير الاسم بشكل من الأشكال، يعني يضاف قبله كلمة.. يضاف بعده كلمة، حسب مين اللي مسجل الأول؟ أنا معرفش تاريخ تسجيله، وفي كل الأحوال هو الموضوع يعني مفيهوش خلاف، أنا معنديش مانع إن هو المسلسل، وأنا أعمله، ما ريا وسكينة اتعمل كذا حاجة، اتعمل مسلسل واتعمل فيلم واتعمل مسرحية”.
واستكمل: “العمل ينفع يتعمل منه 10 مسلسلات عن سفاح التجمع، بس ده يبقى باسم والتاني باسم وهكذا”.
محمد صلاح العزب يؤكد احترامه لحقوق الملكية الفرية للغير
أشار السيناريست محمد صلاح العزب إلى إنه حريص على احترام الحقوق الفكرية لأصحابها، وفي حال كان قانونيا من حق السيناريست جوزيف فوزي اسم مسلسل سفاح التجمع، فسيقوم بتغيير اسم مسلسله.
وتابع: “أنا لو هو مسجل قبلي، هغير الاسم بس، لكن هيبقى الفكرة سفاح التجمع موجودة عادي، وأغير الاسم طبعا، معنديش مشكلة في الاسم، بس هو الفكرة مش في الاسم، الفكرة في التناول بقى يعني”.
