عبد الرحيم كمال: قهوة المحطة مختلفة وعندي ذكريات عمري ما انساها في بلدي سوهاج (فيديو)

عبد الرحيم كمال قهوة المحطة .. كشف المؤلف والسيناريست عبد الرحيم كمال عن فكرة مسلسل قهوة المحطة، الذي شارك به في موسم دراما رمضان 2025، ضمن قائمة المسلسلات القصيرة فئة 15 حلقة، وتحدث عن تفاصيل رحلته الشخصية على قهوة المحطة من سوهاج للقاهرة ومن القاهرة لسوهاج، وذلك من خلال استضافته في برنامج معكم منى الشاذلي، مع نجوم وصناع مسلسل قهوة المحطة رمضان 2025.

عبد الرحيم كمال: ليا ذكريات في قهوة محطة سوهاج 

كشف عبد الرحيم كمال، عن رحلته الشخصية مع قهوة المحطة، ورحلته من سوهاج للقاهرة، وعن نوعية الأشخاص المتواجدة على قهوة المحطة، وحديثهم عن المستقبل المنتظر في القاهرة.

قائلًا: "أنا من سوهاج، فكانت لقطة الكافيتريا بتاعة محطة القطر في سوهاج، الوقت اللي بقعده فيها وبعدها أخد القطر وأروح القاهرة والعكس وقت رجوعي للصعيد في الأعياد، الفكرة دي شغلت جزء من ذكرياتي، ومن عمري كمان، إيه بيحصل على القهاوي المجاورة لمحطات السكك الحديد، فيها العابرين وفيها المقيمين واللي عندهم أحلام واللي عندهم طموحات، وفيها اللي اتسرق، والسارق والمسروق ممكن يبقوا جانب بعض، وفيها اللي قاعد شوية وماشي، واللي قاعد ممشيش، فهي فكرة درامية مثيرة جدا".

عبد الرحيم كمال: قهوة المحطة مختلفة عن أي قهوة تاني 

واستكمل حديثه عن رحلته الشخصية مع أول قهوة جلس عليها قبل رحلته للقاهرة، قائلًا: "أول محطة قعدت فيها هي قهوة محطة سوهاج اللي بتنقلنا لمحطة رمسيس في القاهرة، دي كانت البداية، ودايما القهاوي اللي مرتبطة بالمحطات قهاوي درامية فيها الغريب والمقيم والأمل والرحلة، وملتقى الغرباء والأحلام، وممكن يعدي فيها أشرار ولكن كلهم غلابة".

وأشار عبد الرحيم كمال أن قهوة المحطة، تكون مختلفة بطابعها عن باقي المقاهي، الذي يجلس عليها الأشخاص بشكل أو بأخر، قائلًا: "القهوة اللي عند المحطة مختلفة عن أي قهوة تاني، واحنا فيها بنتكلم ونقول اللي جاي إيه واللي هيقابلنا في القاهرة إيه".

تعيين عبد الرحيم كمال مساعدًا لوزير الثقافة عن رقابة المصنفات

يذكر أنه تم تعيين عبد الرحيم كمال مساعدًا لوزير الثقافة عن رقابة المصنفات المصرية الفنية، وذلك بقرار من وزير الثقافة دكتور أحمد فؤاد هنو.