مدير إدارة إعلام السيرك القومي: أنوسة كوتة اتصرفت صح وحادث طنطا ميخصناش(فيديو)

السيرك القومي، كشف مدير إدارة إعلام السيرك القومي، تفاصيل جديدة ورؤية مختلفة عن موقف أنوسة كوتة، تجاه النمر الأبيض الذي هجم على محمد بسطاويسي، أثناء عرض الأسود بسيرك طنطا، مؤيدًا لرد فعل مدربة الأسود أنوسة كوتة، موضحًا أنه ليس لديها سلاح مرخص، لكي تقوم بضرب النمر بالنار.

السيرك القومي المصري : الشركات الخاصة متخصيناش

في مداخلة تليفونية، لـ مدير إدارة إعلام السيرك القومي مع الإعلامية لميس الحديدي في برنامجها كلمة أخيرة المذاع على قناة أون ، تحدث خبير السيرك القومي عربي أبو سنة بصفته مدير إدارة الإعلام بالسيرك، ليكشف تفاصيل جديدة عن حادث سيرك طنطا.

وعن كيفية الحصول على تراخيص من السيرك القومي المصري، لإقامة سيرك في محافظات مصر المختلفة، قال عربي أبو سنة مدير إدارة الإعلام بالسيرك القومي “أولًا الترخيص اللي بيأخدها السيرك بتكون في لجنة خاصه تدرس التراخيص، ولكن زينا زي المرور، اللي بيدوا الرخصة هل بيكون في ضمان أن اللي أخد الرخصة ميعملش حادثة”.

عربي أبو سنة: السيرك القومي بيساهم في بناء الاقتصاد المصري

واستكمل، قائلًا “الشركات الخاصة مش تبع السيرك القومي، السيرك القومي شغال بالكامل طول أيام العيد، السيرك القومي بيساهم في بناء الاقتصاد المصري، وبيحصد جوائز وبيرفع علم مصر على مستوى العالم كله، ولسه واخدين جايزة فضية في مهرجان فيتنام”.

وأضاف، قائلًا : "الحادثة اللي حصلت في سيرك طنطا، دي حادثه في سيرك خاص، ولا يعنينا، وبعيد عننا، لأن في حملة لمقاطعة وإيقاف السيرك القومي وده ميصحش".

أنوسة كوتة من عائلة معروفة أبًا عن جد

وأشار عربي أبو سنة إلى إنتماء مدربة الأسود أنوسة كوتة، إلى عائلة معروفة في هذا المجال، وليس بالسهل أن تقع في خطأ عدم تقديم الغذاء المناسب للأسود ، قائلًا: "أي سيرك خاص عنده نظام معين لغذاء الأسود بتاعته، ولازم مدرب الأسود يخاف على نفسه، و أن محمد بسطويسي يقول من 10 رمضان مأكلوش ده خطر جدا، يعني كان ممكن يأكلوا كابتن أنوسة كوتة، إزاي كانت واقفه وسط 12 أسد ونمر، وهي مدربة معروفة أبًا عن جد، أخوها مدرب الأسود العالمي بيدخل العرض بأربعين أسد ونمر".

واستكمل قائلًا: "هي حواليها 12 أسد .. والمفروض مكنش يربط الأسد اللي لما تديله إشارة، فهي كانت مشغولة بالأسد وكان النمر خلاص هجم عليه، فكانت بتحاول تحافظ على ابتعاد باقي الأسود عشان ميهجموش كلهم، والموضوع يحسم مين الغلطان على حسب هي كانت مدياله أمر أنه يربط الأسد ولا لأ".

واختتم قائلًا: "مفيش مدرب أسود مترخصله سلاح فمكنش في إمكانية أنوسة كوتة أنها تضرب نار على النمر اللي أكل دراع محمد بسطويسي في سيرط طنطا".