احمد العوضي يفجر مفاجأة بشأن زواجه بعد رمضان .. ما القصة؟

زواج احمد العوضي الجديد .. رد الفنان أحمد العوضي على الشائعات المثارة حول حقيقة زواجه من عدد كبير الفنانات، وذلك من خلال استضافته في برنامج بودكاست The sight المذاع على منصة watch it.

وأكد الفنان أحمد العوضي عن معاناته بسبب تدخل الجمهور في حياته الخاصة، قائلاً: "الخصوصية بالنسبة لي أمر مهم، ومبحبش ان حد يسألني عن أموري الشخصية، وأنا هنا كفنان وممثل، تقدر تسألني أي أسئلة تتعلق بشغلي أو مشاريعي الفنية، تقدر تسألني بكل حرية عن أي حاجة تتعلق بشغلي، لكني مبحبش اتكلم عن حياتي الشخصية.

مبحبش أجاوب على أي أسئلة تخص بحياتي الشخصية، أنا قلت إني هتجوز بعد رمضان، بس كل اللي قال إني هتجوز فنانة معينة دي كلها إشاعات، والحاجات دي مش بتضايقني، بس بقعد أتابعها واتفرج عليها، واشوف ازاي بيضيغوها بالطريقة دي، وأي واحدة بسلم عليها بيقولوا إني هتجوزها.

وحرص الفنان أحمد العوضي على الرد على انتقادات الجمهور له وإتهامه بتكرار أدواره، قائلاً : "كل واحد له حق يتكلم زي ما هو عايز، والكلام مش هيغير من الواقع حاجة، والرزق والنجاح والفشل مقسومين، وكلامك مش هيزود أو ينقص من حقي، المفروض إني ما أزعلش، وعمري ما بتضايق، لأني ببص على الناس اللي بتحبني مش على اللي بينتقدوني أو مش عاجبينهم، طالما اللي بيحبني موجود، بأخد طاقة الحب منه، ومش بفكر في اللي مش بيحبني، دا حقه، مفيش حد الكل اتفق عليه.

اعمال احمد العوضي في رمضان 2025

يشترك الفنان أحمد العوضي في السباق الرمضاني الحالي 2025 بمسلسل فهد البطل، ويحظى مسلسل فهد البطل بشعبية كبيرة لدى المشاهدين، حيث نجح الفنان أحمد العوضي في جذب إنتباه الجمهور، حيث بدأ المسلسل في الحلقات الأولى بسجن فهد بعد قتله أحد الرجال الذين حاول إغتصاب شقيقته راوية، وسجن لمدة ثلاث سنوات بعد دفاعه عن شرفه، وتصاعدت الأحداث ليكتشف الجمهور أنه هارب من الثأر، حيث قام عمه غلاب بقتل أبيه لغرض الإستحواذ على الميراث.