علشان محدش يضحك عليك.. إليك 5 نصائح قبل شراء السيارات المستعملة| فيديو
قدم وليد الحجازي، خبير السيارات مع دينا أحمد مقدمة برنامج شد فرامل، على قناة الشمس، نصائح يجب الاهتمام بها عند شراء السيارات المستعملة، نكشفها لكم بالتفصيل: شراء السيارات المستعملة
تشتري سيارة جديدة ولا مستعملة ؟
قال وليد الحجازي، إن الموضوع ده ليه كذا شق يعني مثلا هنيجي نقارن اني اشتري عربيه مستعملة أو أجيب أنا عربية جديدة في الفئات اللي هي هتبقى موجودة في المستعملة لنفسي، لكن مثلا لو شخص ما لوش في موضوع العربيات وهو أخذ العربية تحرك ونقل من مكان لمكان أو سيده تتحرك بعربيه فله أنا انصحها ان هي تأخد عربية جديدة على الأقل هيبقى قدامها مش أقل من خمس سنين على ما تفكر انها تعمل صيانات كبيرة في العربية هي بقى اخرها الصيانة الدورية بتاعتها هيبقى اخرها البنزين والزيت بالعربية على طول مش هتحتاج انها تعمل صيانات كبيرة وثقيلة في العربية أو تروح لورشة وتدور على قطع غيار والكلام ده كله".
نصائح مهمة عند شراء سيارة مستعملة
وأضاف وليد الحجازي، النهارده سواء حضرتك ست أو راجل أو أيا كان اللي بيشتري العربية لازم يفحص العربية بتاعته في مركز صيانة مركز صيانة يكون فاهم يعني إيه فحص علشان النهارده الصنايعية بقوا يتفننوا ازاي يخفوا المشكلة اللي موجودة في العربية سواء كانت حادثة أيا كانت المشكلة هم النهارده فدي بتبقى مهمة المركز الصيانة والفحص أنه يفحص العربية بالكامل من الاكصدام الأمامي الخلفي ويطلع لحضرتك ريبورت كامل تمام سواء كان عن حاله الصاج العفشة الميكانيكا الكمبيوتر لأن في لعب كثير في العدادات تمام الكهرباء الفتيس ويطلع لحضرتك ريبورت كامل من خلاله حضرتك تقدري تقرري أنا هشتري العربية دي أو لا.
