«بنتي فاشلة في الجواز زي أبوها».. حسين فهمي يكشف أسرار لأول مرة في "العرافة"

عرض اليوم حلقة الفنان حسين فهمي في برنامج العرافة الذي تقدمه الإعلامية بسمة وهبة ويذاع على قناة النهار، وكانت الحلقة قد صورت قبل رمضان ولكنها تطرح كأجزاء منفصلة يومياً.

وفي الحلقة، صرح الفنان حسين فهمي عن رفضه زواج ابنته للمرة الثالثة، قائلاً: "انا مكنتش مش موافق على عريس بنتي منة، هي صممت وقالتلي يا بابي بحبه فخلاص كل واحد يعيش حياته، منة عندها ثلاث تجارب في الزواج غير ناجحة زي أبوها".

وتابع حسين فهمي: “ دول كانوا اختيارها هي ومعترضتش على أي حد من التلاتة الأوائل أعترضت على الأخير بس”.

وحرص الفنان حسين فهمي على الأشادة بأخلاق الفنان أحمد فهمي طليق ابنته منة، قائلاً: “ ده ابن ناس وصديقي لحد دلوقتي، هي تزوجت من اتنين فنانين شريف رمزي وأحمد فهمي وانفصلوا والاتنين أصحابي”.

وتابع حسين فهمي: “ في الزيجة الأخيرة ساعة الأنفصال حصل مشاكل، هي اتحلت بس كانت طريقة الانفصال مش لطيفة، انا كنت معترض على الجوازة اصلاً ولما نصحتها مسمعتش كلامي، وجت بعدها وقالتلي كان عندك حق بس انا بالنسبة لي كانه محصلش”.

وعندما سألته الإعلامية بسمة وهبة: "هل منة دفعت فاتورة إنها بنت حسين فهمي وميرفت أمين"، أجاب حسين فهمي: “ممكن طبعاً ، عشان هي إنسانة طيبة ومن جواها كويسة اوي”.

سبب انفصال حسين فهمي وميرفت امين 

كشف الفنان حسين فهمي عن سبب انفصاله عن الفنانة ميرفت أمين فنياً بعد طلاقهم،قائلاً: "محصلتش الفرصة اللي نتعاون فيها أنا وميرفت أمين بعد انفصالنا من 39 سنة، مفيش اي ظروف جت انما لما جاء الإعلان بتاع رمضان ده كان لطيف جداً يعني واتعمل كويس".

 وتابع حسين فهمي: “ طول الفترة دي كانت علاقتنا كانت كويسة مع بعض، أنا علاقتي كويسة بالناس كلها، عمري ما كان في خلافات بيني وبين حد الا استثناءات يعني مش كتير، يعني أنا علاقتي عموماً كويسة جداً مع الناس”.

وأكد حسين فهمي على وجود كان في خلافات بيني وبين ميرفت أمين بسبب مستقبل منة، زي أي خلافات بتحصل في أي بيت، بس ما ده مش معناه ان لما الناس تنفصل ان يبقى في فجوة بينهم، في بنت لازم تتربى ولازم ناخذ بالنا منها ونهتم بيها وكده".

وكشف الفنان حسين فهمي عن سبب انفصاله عن الفنانة ميرفت أمين، قائلاً: “ هو كان اختلاف في وجهات النظر والحياة المعيشية وتربية منة وكده، وعند توجيه سؤال له أن السبب هي الغيرة عليه بسبب وسامته، قال : ”ايه يعني الستات مهي موجودة هعمل ايه مع الستات يعني أنا، أهم حاجة إن احترامي للست انا مرتبط بيه موجود".