الرئيس السيسي: بفضل الله إحنا بخير وأمان وسلام ولن يستطيع أحد الاقتراب من مصر
قال الرئيس عبد الفتاح السيسي،رئيس الجمهورية : “إن الدولة المصرية ثابتة ومستقرة بالله لأنه مطلع علينا وعلى تصرفاتنا، والوجود مش ماشى لوحده، ده ليه صاحب واحنا حريصين فى إدارة الأمور ونراعي ما أمكن أن الله مطلع علينا وهيحاسبنا كلنا”.
وأضاف الرئيس السيسي، “إحنا بخير وأمان وسلام وبفضل الله، وبفضل الله لن يستطيع أحد الاقتراب من مصر، مش علشان إحنا موجودين وقادرين، علشان هو موجود وكل سنة وأنتم طيبين”.
وفي وقت سابق، وجه الرئيس عبد الفتاح السيسي، رئيس الجمهورية، اليوم الأربعاء 12 مارس 2025، الشكر لأهالي الطلبة المستجدين المنضمين للقوات المسلحة وباقي مؤسسات الدولة، قائلًا: “برحب بيكم.. أهلًا وسهلًا سعداء بوجودكم معانا وسعداء بالتواجد معاكم.. ولما عرفنا أنكم هتكونوا موجودين فى رمضان قولنا فرصة أن نلتقي بيكم وبنشكركم على أبنائكم اللي بقوا في الأكاديمية أو باقي مؤسسات الدولة”.
وفي السطور التالية يستعرض الموقع التفاصيل الكاملة لـ أبرز تصريحات الرئيس السيسي اليوم خلال زيارته للأكاديمية العسكرية المصرية اليوم.
أبرز تصريحات الرئيس السيسي اليوم
وأضاف الرئيس السيسي، خلال لقاءه مع أعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسي الدورات المدنية، بمناسبة ذكرى العاشر من رمضان، قائلًا “بتشوفوا صورة شكل.. لكن حرصنا جدا خلال السنوات الماضية على تطوير كبير وقولت من كام يوم هنا للزملاء هنا أن عملية التطوير مستمرة ولن تنتهي.. ومش نعمل حاجة النهاردة ونقول دي الحاجة المثالية وخلاص”.
وقال الرئيس السيسي: “عاوز أشكركم أنه خلال عملية الانتقاء والاختيار.. ومش بنقول كلام أننا قاعدين مع بعض.. اللي إحنا فيه أفضل اللي موجود من كل التخصصات.. ده الأفضل.. وده معناه أن الأسر والأهالي قاموا بجهد كبير ورعاية كبيرة وأشكركم على هذا الأمر”.
وتابع الرئيس السيسي، “هقول كلمة واحدة مهمة أوي، بحس إن المصريين قلقانين وده أمر جيد، لأن الأحداث اللى جنب مننا تدعو للقلق، طالما الشعب المصري متماسك وعلى قلب رجل واحد، أي تحدي بفضل الله هنقدر نتجاوزه وزي ما إنتوا شايفين العالم مش بس المنطقة بتدور فيها أحداث متسارعة ومتناقضة أحيانا، الحفاظ على الدولة المصرية ومقدراتها شغلنا الشاغل”.
واستكمل، الرئيس السيسي: “تعاملنا مع كل القضايا والتحديات بحسابات دقيقة جدا وبتريث وصبر كبير جدا، وعزائي الوحيد إن شعب مصر ودي مش مجاملة والله، هو اللى مخلي الأمور رغم قساوتها وظروفها الصعبة نقدر نجابهها، بيكم أنتم المصريين وقبلنا الله سبحانه وتعالي اللى مطلع علينا وشايف بندير الأمور إزاي، بنسعي للتهدئة وإيقاف إطلاق النار ومنع المنازعات وعمل كل ما يمكن لتهدئة وإيقاف الصراعات والاقتتال والحروب”.
وأردف، الرئيس عبد الفتاح السيسى: “الكلام المعمول دلوقتي محاولة مننا كدولة ومؤسساتها أنها تعمل تطوير للأداء والمستوى، مش بس شكل كويس، البرنامج بتاعنا أعمق من كدة بكتير، واللى عمله مش احنا، بل متخصصين من أساتذة الجامعات فى علم النفس والاجتماع والسلوكيات والبرامج المعرفية”.
وأضاف الرئيس، خلال لقاءه أعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسى الدورات المدنية، بمناسبة ذكرى العاشر من رمضان: “الطلاب المستجدون اللى موجودين معانا هياخدوا مستوى معرفي جيد جدًا سواء كان هندسة أو هندسة حاسبات أو سياسة واقتصاد أو علوم اللوجيستيات”.
وتابع: “حاولنا إعداد شخصية متكاملة قادرة على إدارة الأمور بشكل علمي وبشكل حرفي جدا جدا، والطلاب هنا يحظون بنفس الاهتمام، فهم فى أيد أمينة ويحصلون على الرعاية الكاملة من الاحترام والتقدير والعلوم والمهارات المختلفة”.
ويحرص موقع الأيام المصرية على متابعة كافة الأخبار، ضمن التغطية الإخبارية المستمرة والحصرية التي يقدمها الموقع لمتابعيه في مختلف المجالات والتخصصات، ويمكنكم متابعة المزيد من الموضوعات المتعلقة بهذا الشأن عن طريق أخبار مصر اليوم.
