أسود باهت رمضان 2025.. إيمان سلامة تكشف تفاصيل مشاركتها في حدوتة شغف (خاص)
أسود باهت ، تشارك الفنانة إيمان سلامة في مسلسل أسود باهت وتحديدا في حدوتة “حكاية شغف” من بطولة الفنانة سهر الصايغ، ومن المقرر أن يعرض في الجزء الثاني من رمضان 2025، فهو مسلسل مكون من 15 حلقة مقسمة لثلاثة حكايات قصيرة كلًا منهم 5 حلقات.
وكان لموقع الأيام المصرية حوار خاص مع الفنانة إيمان سلامة لتكشف لنا تفاصيل عن دورها في مسلسل أسود باهت “حكاية شغف”.
إيمان سلامة: “مسلسل أسود باهت اتباع لقناة النهار بعد تأجيل سنة وشهرين”
وكشفت إيمان سلامة، عن عودة الحديث عن طرح مسلسل أسود باهت بعد تأجيل دام أكثر من سنة وشهرين قائلة : "أسود باهت أنا مصوره المسلسل ده من سنة وشهرين تقريبا وكان المفروض هينزل منصات ، اتفاجئت بالمنتج عمرو كلمني، وبعت لي الصورة بتاعت الكفر بتاعت المسلسل اللي تخصني وشيرتها، وبعت لي البرومو ونزلته برضو"، " وقال لي أن هما باعوا المسلسل لقناة النهار والقناة المصرية، اللي تبع التلفزيون المصري".
إيمان سلامة : بشارك في الحدوتة الثانية بعنوان حكاية شغف
وأضافت : " وأنا عامله حدوته خمس حلقات هو المسلسل كل حدوته تقعد خمس حلقات فانا في الحدوته الثانية من اسود باهت، حدوته باسم "حكاية شغف"، ومشاهدي في أسود باهت بتجمعني، مع سهر الصايغ ومحمد عز ومحمد مهران".
إيمان سلامة : ميزة المسلسلات القصيرة “مفيش مط وملل”
وتحدثت إيمان سلامة عن تأثير عدد الحلقات بالتناسق مع كتابة الورق ، مشيرا إلى أن الورق هو ما يحكم أن يكون المسلسل شيق أيا كانت عدد حلقاته، قائلة : "والله هو الورق اللي بيحكم في الآخر أن كان الحلقات 15 ولا 30 ولا أكثر ولا أقل أنا دائما من الناس اللي بكون متحيزه إن الورق يبقى حلو أو لأ"
"30 أو 15 المهم الورق يبقى كويس والموضوع حلو اللي بيميز بقى 15 عن ال 30، في المعتاد أن بيبقى الأحداث ملمومه ما فيش مط ما فيش تطويل ما فيش ملل فتكيد ده بيميز الحلقات اللي عددها قليل يعني".
إيمان سلامة : أفضل الأدوار الصعبة التي تطلب مجهود
وتحدثت إيمان سلامة عن الأدوار المفضلة بالنسبة لها ، قائلة "والله لو في ورقه معين يتكتب عشاني وأكون بطلة أنا مش محدده حاجه معينه أنا بحب الأدور الصعبه الادوار اللي أتعب عليها الأدوار اللي مش هطلع فيها بنوتة عادية، شبه كل الناس اللي بنشوفها في يومنا لا أنا عايزة أعمل حاجة بعيدة عني تماما، أي أن كانت هي إيه أحب اعمل كل حاجه معنديش تصنيف معين في الدراما بس انا بحب الدور اللي اتعب عليه وياخذ مني مجهود بس".
