إيمان سلامة تكشف حقيقة ظهورسعاد حسني بالـ ai في إعلانات رمضان 2025 (خاص)
شبيهة سعاد حسني .. إيمان سلامة تُعيد ظهور السندريلا في إعلانات رمضان 2025، مما شكل مفاجأة على جمهور ومحبي السندريلا سعاد حسني، حتى لقبها البعض "شبيهة سعاد حسني"، وكان للبعض تعليقات عن ظهور السندريلا من جديد، وبدأ تداول صور إيمان سلامة بشخصية السندريلا، وكان الإعتقاد الأكبر أن المشهد تم تصميمه بشكل كامل بالـ ai، بسبب شدة تقارب الشبة بينها وبين السندريلا سعاد حسني.
ولكن كان لموقع الأيام المصرية حوار خاص مع الفنانة إيمان سلامة ، التي فاجأت الجمهور بظهورها وعن مدى التشابه بينها وبين السندريلا سعاد حسني، لتكشف لنا عن ظهورها بشخصية السندريلا في إعلانات رمضان، وهل كان للـ ai تأثير على ظهورها.
إيمان سلامة: الجزء اللي بـ ai واضح ولكن أنا من صورت المشاهد بنفسي
وكشفت الفنانة إيمان سلامة، الملقبة بشبيهة سعاد حسني، أن كان للـ ai تدخل تأثيره ظاهر ولكن المشهد هي من قامت بتصويرها حيث قالت نصًا: "ظهوري في الإعلان بشخصية السندريلا، داخل في جزء ai، طبعا انا صورت وعملت اللي عليا، ولكن المخرج يعمل ai على الوجه عشان هو مثلا شايف انه كده بيقرب الشبه أكتر، يعني أنا دي مش بتاعتي، وده متلاحظ طبعا في الإعلان لانه معمول بشكل واضح".
واضافت: "لكن أنا صورت وعملت اللي عليا وعملت بروفات سته أيام بروفات، وتعبت وصورت، المخرج زود بقى على الوش ai، دي حاجه بقى بتاعت المخرج، فالحقيقة في جزء طبعا على الوش متزود بالـ ai على التصوير اللي انا صورته".
إيمان سلامة: اختياري للإعلان عن طريق صوري على الانستجرام
أما عن طريق ترشيحها للإعلان، فوضحت إيمان سلامة أن ترشيحها جاء عن طريق صورها والتشابه الواضح بها، قائلة: "ترشيحي للإعلان نفسه جالي من الشركة، كلموني كانوا بيدوروا على حد شبه سعاد حسني، اختاروني عن طريق الصور، بتاعتي اللي أنا عاملاها بقلد فيها سعاد حسني، اللي موجوده على الانستجرام، كلموني ورحت قعدت معاهم، ومع أستاذ ياسين حسن المخرج وقعدنا عملنا بروفات كتيرة قبل التصوير على الميك أب والشعر والباروكه القصيرة دي وعلى لبس سعاد وكل حاجه".
سعاد حسني عايشة بظهور إيمان سلامة في إعلانات رمضان
وتحدثت إيمان سلامة عن تعليق فريق عمل الإعلان وبعض المتواجدين في لوكيشن التصوير، حيث كشفت أن تعليقاتهم كانت من باب المزاح، قائلة :"ناس كثير علقت وقت تصوير الإعلان، يعني إيه ده سعاد حسني عايشة، كان هزار في اللوكيشن".
