مؤلف مسلسل حكيم باشا: رفضت دفع 50 ألف جنيه لتلميعي وهذه تفاصيل القصة

مصطفى شعبان مسلسل حكيم باشا ، كشف المؤلف محمد الشواف ، عن حملة الكترونية تطال مصطفى شعبان مسلسل حكيم باشا، وفريق العمل ومنهم المؤلف محمد الشواف، الذي استقبل اتصالات مباشرة، تعرض عليه أن يقوموا بحملات الكترونية مدفوعة الأجر، للحديث عنه وعن المسلسل، على المنصات المختلفة من خلال حملات دعم لمسلسل حكيم باشا، مقابل 50 ألف جنيه في الأسبوع.

مؤلف حكيم باشا يكشف عن حملة دعم لمسلسله

وشارك المؤلف محمد الشواف، متابعيه عبر حسابه الرسمي على موقع التواصل الاجتماعي فيس بوك، منشورًا طويلًا، وسبقه بالاعتذار، ولكنه أراد أن يكشف عن محاولات رخيصة من قبل أشخاص تحاول أن تطالبه بالدفع لحملة لدعم مسلسل حكيم باشا، أو الهجوم من خلال حملات الكترونية سلبية، بمساعدة بعض الصحفيين.

المؤلف محمد الشواف : سعر التريند 50 ألف في الأسبوع

وكتب نصًا يشير إلى العروض التي تلقاها للحملات الالكترونية وسعرها على مدار الأسبوع وقال : “أنا آسف حقيقي إني أكتب الكلام ده بس بقالي يومين  تلاتة بيجيلي تليفونات غريبة ومريبة من ناس وأرقام بتظهر على ترو كولر باسم الشبح وعرب وغيرها بيعرضوا عليا إنهم يعملوا حملات دعم لمسلسل حكيم باشا وإنهم يدعموا المسلسل ع السوشيال ميديا مقابل ٥٠ ألف جنيه لمدة اسبوع وقالولي على سعر الترند على اكس وان اسمي يتبروز وصفحات تتكلم عني باعتباري اجمد سيناريست في مصر”.

المؤلف محمد الشواف : أنا لا بتاع زيطه ولا منظرة ولا بتكلم عن شغلي

واستكمل قائلًا: “اللي يعرفني عارف كويس اني لا بتاع زيطة ولا منظرة ولا بتكلم عن شغلي ولا بشكر في حاجة عملتها وبتقبل أي رأي سلبي قبل إيجابي عن حاجة بعملها ، و رفضت بأدب العرض لأنه شايفه رخيص فكان الرد إنهم هيخلوا صحفيين معروفين يهاجموا السيناريو وكاتب السيناريو بتاع حكيم باشا لو ما دفعتش بالتي هي أحسن”.

وأضاف : “واتقالي نصا ده أكل عيشنا واللي معانا أسامي كبيرة وهيخلوك مسخرة الفيس بوك والتيك توك واكس واجوارها فاقترحت عليهم يعملوا على انستجرام كمان عشان يكملوا الباكدج ولو اني متأكد ان مفيش صحفي محترم ممكن يعمل كده”.

يكفيني لو شخص واحد عجبه فكرة المسلسل ومش هدفع جنيه

وتحدث المؤلف محمد الشواف ، عن اجتهاده في العمل وعن الاكتفاء بأقل عدد من المتابعين والمعجبين بالعمل دون حملات ودفع قرش حرام قائلً: “احنا بنجتهد ويكفيني لو شخص واحد بس عجبه رسالة المسلسل لكن أبدا مش هدفع فلوس عشان اقول اني جامد فشيخ لاني ما اجيش حاجة جنب الاساتذة الكبار زمايلي اللي ليهم شغل قدي ١٠ مرات فمش محتاج اناطح حد واقول شغلي اهو عشان ده رخص”.

واختتم منشوره قائلًا: “ولا هدفع لمأجورين عشان يشكروا فيا ولو حد منهم طلع قال عني اني اسوأ سيناريست فأنا مقدر حجم ألمه من ضياع سبوبته والقرش الحرام اللي مستنيه مني ، أنا اسف لكل اللي هيكتب كلمتين وحشين في حقي شخصيا وآسف لكل حد مش عاجبه المسلسل بوعدك اعمل مجهود أكبر السنة الجاية وآسف لأي حد طالب مني تصريحات لمكانه المحترم لاني حقيقي مش بحب اتكلم عن شغلي”.