ممرض المنيا مينا موسى.. النطق بالحكم على المتهمين في جلسة 26 فبراير المقبل
ممرض المنيا مينا موسى .. قررت محكمة جنايات شمال القاهرة المنعقدة في مجمع محاكم العباسية، مد النطق بالحكم على المتهمين بقتل ممرض المنيا مينا موسى، في منطقة الزاوية الحمراء، بعد خطفه بغرض طلب فدية من أهله لجلسة 26 فبراير القادم.
محاكمة المتهمين بقتل ممرض المنيا مينا موسى
وخلال الجلسة، قال ممثل النيابة العامة، إن واقعة قتل الممرض مينا موسى جريمة ارتعدت لها الأبدان، وتألمت لها نفوس، مضيفًا أن الضحية مينا، شاب في العشرينيات من العمر خرج بحثا عن لقمة العيش للعمل في التمريض، ولم يعد إلى أهله بل عاد أشلاء ممزقة، كما أن المتهم إبراهيم والذي يعمل ممرضًا يفترض في وظيفته الرحمة وقد خلى منها ويفترض فيه الأمانة وقد خانها.
وتابع، أما المتهم الثاني مصطفى فهو صديق المتهم الأول وحاله كحال صديقه، شابه في الشر والطمع والخسة والغدر، فبأس الصداقة كانت فالمتهمان على الفحشاء اجتمعا وعلى المحرمات قد اتفقا، فاستدرجا الضحية وعندما دخل الشقة تعديا عليه بقطعة حديدية وأجبرا الضحية على إرسال مقطع صوتي لأهله لطلب الفدية.
وطالب ممثل النيابة، بتوقيع أقصى عقوبة على المتهمين وهي الإعدام شنقًا إذ قاما باستدراج المجني عليه وتعذيبه وسرقته وقتله وتقطيع جثمانه مستشهدًا بقول "من قتل يُقتل ولو بعد حين".
وفي ذات السياق، طالب دفاع المجني عليه، من هيئة المحكمة بتوقيع أقصى عقوبات للمتهمين على ما جاءوا به من جرم ليكونوا عبرة لكل من تسول له نفسه ارتكاب مثل هذه الجرائم.
أقوال المتهمين بقتل مينا موسى ممرض المنيا
وخلال الاستماع لـ اعترافات المتهمين بقتل ممرض المنيا، قال المتهم الأول إبراهيم. ر: اسمي إبراهيم دبلوم صنایع وبشتغل عامل في المنيا، لحد ما اتفتح قدامي مجال إني أكون جليس لكبار السن في القاهرة.
وأضاف المتهم الأول، أنا من الضيقة اللي أنا فيها بدأت أفكر ازاي أجيب فلوس وفي يوم 28 / 9 / 2024 قبل يوم الواقعة مصطفى ابن خالتي جه يبات معايا في البيت اللي أنا شغال فيه، وكنت بتكلم معاه في الظروف الصعبة بتاعتي وإني محتاج فلوس قالي إن هو كمان ظروفه صعبة والدنيا مخبطة معاه، قعدنا نفكر نجيب فلوس ازاي لحد ما جه في دماغي إننا نستدرج حد نجيبه على البيت اللي أنا شغال فيه نسرقه عشان الحاج محمد اللي أنا شغال معاه مبيتحركش إلا لما أنا أسنده، وجه في بالي واحد كان كلمني من فترة كبيرة سألني على شغل مع حد مسن وأنا سجلت رقمه من ساعتها، فكلمته من خط مش متسجل عملت فيها واحدة ست، وقلتله إني محتاج حد جليس مع راجل كبير، بس هو قالي إنه شغال ورشحلي مينا واداني رقمه وقالي إنه كان بيدور على شغل.
وواصل المتهم بقتل مينا موسى في التحقيقات، كلمت مينا موسى وعملت إني واحدة ست برضو وقلتله نفس الكلام إني محتاج حد جليس مع راجل كبير بمرتب 350 جنيه في اليوم، وقالي إنه جاهز وقلتله إنه هيبدأ من يوم 29 / 9 / 2024، واتفقت معاه إنه ييجي الساعة 11 الصبح وقلتله يركب مواصلات ميدان السواح وينزل عند مصنع، وقعدت أنا ومصطفى نتفق هنعمل إيه واتفقنا إن أنا هنزل أجيب مينا لما يوصل ومصطفى هيكون في البيت مستخبي ورا الباب ومعاه ماسورة حديد وأول ما ندخل أنا ومينا وأقفل الباب هو يهدد مينا عشان ميعملش صوت ونسرقه ونمضيه على وصل أمانة أو نطلب فدية.
