تامر حسني يدعو لتكريم الدكتور مجدي يعقوب وتخليد اسمه في الشوارع المصرية

طالب الفنان تامر حسني، بإطلاق اسم الدكتور مجدي يعقوب، جراح القلب العالمي، على أحد شوارع أو ميادين مصر، بالإضافة إلى صُنع تمثال تكريمي له يليق بتاريخه وإسهاماته الإنسانية.

أسطورة في عالم الطب

وقال تامر حسني عبر صفحته الرسمية بموقع التواصل الاجتماعي "فيس بوك": "للي ميعرفش، أولًا وأنا طفل كان عندنا درس في العربي اسمه مجدي يعقوب عشان كان أول طبيب في العالم يعمل عملية زرع قلب وكانت تقريبًا سنة 1980 يعني الراجل ده أسطورة في عالم الطب من سنين كتيرة مش من دلوقتي، ثانيًا هذا الرجل الملاك وهب كل حياته لخدمة البشرية عارفين يعني إيه كل حياته لحظة بلحظة لخدمة البشرية لخدمة ولادنا لخدمة الإنسانية  لخدمة الطب وكل دكاترة المستقبل".

وأضاف، "النهارده  دكتور مجدي يعقوب بيحقق كمان إعجاز طبي جديد بعد 45 سنة من أول إنجاز يعني بصراحة الراجل ده أعظم رمز في العالم  للنجاح وفضل ينجح ويتحدى نفسه لحد ما حقق معجزة طبية مفيش ولا دكتور في العالم عملها  إلا دكتورنا المصري العربي حاجة تشرف أوي حاجة عظيمة أوي".

واختتم الفنان تامر حسني قائلًا: "الراجل ده لازم يبقى فيه شوارع وميادين باسمه لازم يبقى ليه تمثال لازم يتعمله أكبر تكريم إنساني في تاريخ مصر والعالم  كل الشرف والفخر بانك مصري عربي".

تامر حسني يعلن عن طرح أغنية فعلا مبيتنسيش

وفي وقت سابق، طرح المطرب تامر حسني أحدث فيديو كليب غنائي له بعنوان فعلا مبيتنسيش، والذي يجمعه بالمطرب رامي صبري، في حدث مميز حيث ينتظر الكثير منذ فترة أغنية تامر حسني ورامي صبري.

وشارك تامر حسني مقطعًا من الفيديو كليب عبر حسابه الرسمي على موقع التواصل الاجتماعي إنستجرام، معلقًا: "كليب فعلًا مبيتنسيش تامر حسني ورامي صبري الآن على يوتيوب وجميع منصات الاستماع"، فيديو كليب "فعلا مبيتنسيش" من كلمات عمرو تيّام، ألحان شادي حسن، وتوزيع مكس وماستر طارق توكّل.

كلمات أغنية مبيتنسيش

كان عقلي فين مني زمان أنا جيت أوي عليه 
قفلت أنا كل البيبان بينا بعمايلي فيه

فرطت فيه بإيديا أنا أذيته طول السنين
وجالي قلب ازاي كده والقسوة جاتلي منين

ضميري مش مرتاح عشان ضيعته بأيديا
أناني كنت وهو كان باقي عليا
انا اللي 1000 مرة خان ولا عاب في يوم فيا

فعلًا مابيتنسيش 
وحاولت أتعايش بفشل واقفه حياتي ومش بعيش
وبكابر عامل قادر 
وإن فراقه مهزنيش وأنا تايه في الحياة

وقفت بيا خلاص الحياة ومشوفتش بعده خير
كان همي أبان للناس تمام وأنا فالنفس الأخير

إحساسي بذنبه مارحش يوم ومفيش سكه لرجوع
على نفسي كتير بعتب وألوم على ظلمي ليه موجوع

في غيري دلوقتي معاه وبقيت انا ماضي
و جرحه حد أكيد داواه وزمانه عاش عادي
انا اتجاحدت كتير معاه وهو كان راضي.